“Who are we marketing Philippines to?”—Sen. Juan Miguel Zubiri

“PILIPINAS Kay Ganda”  “Who are we marketing Philippines to?  Locals or foreigners?  Even Manobos will not understand ‘Pilipinas Kay Ganda’.

Ito ang madiing tanong ni Sen. Juan Miguel Zubiri, Chair, Senate Committee on Environment sa kaniyang mga kapwa senador kaugnay sa bagong kontrobersiyal na ‘tourism slogan’ Pilipinas Kay Ganda bilang kapalit ng ‘Wow’ Philippines’ na pinasikat ni dating Sen. Richard Gordon.

Agad na umani ng kabi-kabilang batikos ang bagong ‘slogan’ ilang oras matapos na ilunsad dahil hindi ito madaling maiintindihan ng mga dayuhang turista na papasok sa bansa.

Ayon kay Zubiri, pabor lamang ang ‘Pilipinas Kay Ganda’ sa kapwa natin mga Pilipino na nakaiintindi sa slogan subali’t dapat din nating isaalang-alang ang mga dayuhang turista.

“It is alright if we are going to market the tourism with our country with locals, no problem. If that is the target market for the department then I will not debate anymore this further.  But if we are trying to attract people from China, Korea, Japan and other countries, from the US t visit us, “Pilipinas Kay Ganda, they are going to be scratching  their heads and say:  What the hell are these people are talking about?,” ani Zubiri.

“First of all they know us as the Philippines and not Pilipinas, they might think there is another country being marketed all around the world,” dagdag pa ng mambabatas.  “Hindi ito pinag-isipan ng mabuti.”

Hindi rin aniya niya minamaliit ang  ‘song and dance number’ ng singer-actress na si Regine Velasquez sa isang tourism commercial nito na nagpo-promote sa Pilipinas.  “It was a beautiful commercial, but the problem, it was in Tagalog.”

Limitado aniya sa lokal ang target market ng turismo.  “Spending power of our local tourists is not as much our foreign tourists.”

Aniya, patok sa ibang bansa ang kani-kanilang ‘tourism slogan’ at humahatak ng maraming turista gaya ng “Amazing Thailand” na may magandang commercial sa CNN at BBC; “Incredible India”;  “Malaysia’s Truly Asia”.  “I do not hear Malaysia saying their slogan in Malay,” diin pa ni Zubiri.  Kahanga-hanga din aniya ang pagdagsa ng mga turista sa Singapore gayung ito’y maliit na isla lamang kumpara sa Pilipinas.

Dahil dito, tila nanganganib ang kumpirmasyon ni Tourism Secretary Alberto Lim maging ang pondo ng ahensiya para sa susunod na taon.

Tiniyak ni Zubiri na igigisa nito sa budget hearing sa susunod na linggo si Lim at igigiit nito kung sino ang ‘utak’ sa likod ng torurism slogan ‘Pilipinas Kay Ganda’.

“BUKIDNON: The Philippine Frontier” inilunsad

MATAPOS ang limang taon na paghahanda, nailunsad na ang 183-pahina na coffee table book, “Bukidnon: The Philippine Frontier”, ni Sen. Juan Miguel Zubiri bilang publisher nito.  Handog niya ito bilang pagkilala sa kaniyang mga kababayang katutubo ng pomosong lalawigan, ang Bukidnon, sa Minadanao.

Ang coffee table book ay isinulat  ni Rafael Ongpin at kuha naman ni Neal Oshima ang magaganda at makasaysayang mga larawan nito.

Ang ginanap na paglulunsad sa NBC Tent sa The Fort nitong Nobyembre 17, 2010 ay dinaluhan ng mga katutubong tribu ng Manobo, Lumad at naghandog ng mga tradisyon at kultura  ng mga sayaw/awitin sa mga panauhin mula sa mga opisyal ng ahensiya ng gobyerno, NGO, diplomatic corps at mga kaibigan.

“We have to give more opportunities for the lumads.  We also have to strike the a balance between helping them out financially and educationally, but without them, losing their culture and traditions.

We’re very sensitive about that in Bukidnon, because Bukidnon has the highest respect for our Lumad communities.  Bukidnon could be nowhere today without the IPs, without the seven tribes of Bukidnon.  They are the focal point of the province’s history, culture and tradition,” ani Zubiri.

Ang labis na pagmamahal ng senador sa kaniyang bayang sinilangan ay sinuportahan din ng maraming indibiduwal na nagbahagi ng kanilang mga personal na kuwento, testimonya maging ang kanilang mga lumang larawan na siyang pangunahing nilalaman ng libro.

Binalikan ng mag-inang Elsie Fortich Cadiz at anak na si John Cadiz Perrine ang magandang alaala ng Bukidnon transport system noong dekada 20 at 30.  Ginunita naman ni Dom martin Gomez, OSB, Benedictine monk, kung paano siya napadpad sa monasteryo at iniwan ang matagumpay na karera sa fashion designing.

“In all of us, there is a thirst, a yearning for God.  But oftentimes, we busy ourselves with so many things we never really go deep into our hearts to find whatis missing.  I knew there was so much more I wanted in life.  My searching brought  me to this monastery in Bukidnon.  It is here where I finally found my ‘home’ with God,” ani Gomez.

Ang Bukidnon ay hindi lamang lugar para sa pagod na kaluluwa, nakaaakit din ito ng mga lokal at dayuhang mga negosyante, base sa success story ng Del Monte Corporation ayon kay Joselito D. Campos, Jr., Chief Executive Officer.

Nagsimula ang Del Monte sa Bukidnon noong 1926, nang pangunahan ng amerikanong si James McNeil Crawford ang maliit na grupo mula sa Hawaii patungo dito sa Pilipinas para maghanap ng lugar na pagtataniman ng mga pinya.  Mula noon, ang Del Monte ang kinilalang pinakamalaking agribusiness sa bansa.

Nasundan ito ng iba pang mga negosyo sa Bukidnon, mula nang dumating dito ang Ilonggong negosyante mula sa Negros noong 1973, bilang bahagi ng grupo na nagtatag ng industriya ng asukal.  “He would later become assemblyman, congressman, at popular na three-term governor,” anang senador.

Ang coffee table book ay isang malinaw na testamento na an gang Bukidnon ay santuwaryo hindi lamang para sa mga taong nagkamit ng sariling tagumpay gayundin sa mga indibidiwal na nais maging bahagi ng kasaysayan.

“Development has to be holistic.  We must look at the different angles in the lives of the people—food, security, health, education and the environment.  If one should fail, the rest will follow.  All of these different aspects of development are interrelated: just like a network, they are enmeshed with each other, all inextricably linked,” ayon kay Bukidnon Vice-governor Joe Zubiri, ama ng senador.

“Bukidnon is incomparable in both beauty and wonder,” ayon kay Neil Oshima,  official photographer ng coffee table book.

Mabibili ang “Bukidnon: The Philippine Frontier” sa pamamagitan ng order.  Tumawag lamang sa mga telepono bilang # 832.1498 at 832.2541 sa mga nagnanais magkaroon ng kopya nito. Linda Bohol

loading...

About Gwenn

You must be logged in to post a comment Login

Leave a Reply