Marquez-Katsidis card dinamihan

DINAGDAGAN na naman ng Golden Boy Promotions ang all-Star lineup na gaganapin sa MGM Grand Garden Arena sa Las Vegas sa Linggo.

Bukod sa sagupaan nina ring Magazine WBA & WBO Lightweight World Champion Juan Manuel “Dinamita” Marquez (51-5-1, 37 KOs) at Australian action hero at WBO Interim Lightweight World Champion Michael Katsidis “The Great” (27-2, 22 KOs ) ay marami pang boksingerong mabibigat ang inihanay rito.

Kabilang na rito ang WBC Welterweight World Title bout nina unbeaten champion Andre Berto (26-0, 20 KOs) at Mexican challenger Freddy Hernandez (29-1, 20 KOs ).

Sasabog din naman ang junior lightweight showdown sa pagitan nina Two-Division World Champion Celestino Caballero (34-2, 23 KOs) at Jason Litzau (27-2, 21 KOs ).

Sa isang eight-round bout, si dating World Champion Nate “The Galaxxy Warrior” Campbell (33-6-1, 25 KOs) ay sasagupa kay Colombian tough-man Walter Estrada (37-13-1, 25 KOs ).

Ang vacant  WBA Fedelatin junior middleweight title naman ay nakataya sa ten-round contest nina dating Cuban amateur star at rising star Erislandy Lara (13-0, 8 KOs) at Mississippi prospect Tim Conners (10-1, 7 KOs). Gilbert Perdez

loading...

About admin

You must be logged in to post a comment Login

Leave a Reply