4 supporters ni Mangudadato patay sa engkwentro sa Maguindanao

UTAS ang apat tagasuporta ng kaanak ni Maguindanao Governor Esmael “Toto” Mangudadatu sa naganap na bakbakan sa pagitan ng lokal na grupo ng Moro Islamic Liberation Front (MILF) sa Buluan, Maguindanao.

Nabatid na inatake ng grupo ni Brgy. Chairman Taugan Mangudadatu ng Barangay Siling ang grupo ni Jun Andao, isang konsehal sa karatig lugar na naging sanhi ng putukan sa pagitan ng dalawang grupo.

Nagawang makatakas ni Andao subalit namatay naman ang apat na mga tauhan ni Mangudadatu.

Napag-alaman na si Andao ay inakusahan ni Mangudadatu na nagtatago sa nagngangalang “Cobra” na may sarili ring grupo sa naturang lugar.

Dahil sa takot na dulot ng naturang bakbakan, daan-daang pamilya ang nagsilikas upang makaiwas sa posibleng pagganti ng kabilang grupo. Gwenn Salamida

loading...

About Gwenn

You must be logged in to post a comment Login

Leave a Reply