Donaire pinarangalan ng mga kongresista

BINATI ng Kamara de Representantes sa pamamagitan ng House Resolution 979 si Nonito “Filipino Flash” Donaire Jr., na tinanghal na bagong pandaigdigang kampeon sa dalawang weight class matapos patulugin ang Mehikanong si Fernando Montiel noong Linggo sa Las Vegas, Nevada.

Sa inihaing resolusyon ni Rep. Erico Aumentado, binigyang-diin nito na ang tagumpay ni Donaire “has given honor and glory to the Philippines in general and to Bohol and General Santos City in particular.”

Ang panalong ito, aniya, ang naglagay kay Donaire sa “world firmament of boxing,” na aniya’y palatandaan na hindi malayong segundahan nito si Sarangani Rep. Manny “Pacman” Pacquiao.

Agad namang inaprubahan ang HR 979 sa plenaryo kaalinsabay ng iba pang limang katulad na resolusyon. Meliza Maluntag

loading...

About Thor

You must be logged in to post a comment Login

Leave a Reply