Parusa sa mga ganid na negosyante patitindihin

ISINULONG ni dating  Pangulong  Gloria  Macapagal-Arroyo, na  ngayo’y kinatawan ng  Pampanga, ang  isa ng panukalang  batas  na  naglalayong  patawan  ng   mas mabigat  na parusa ang mga  kumpanyang nagmamanipula   at  may  ginagawang “unfair  trade practices.”

Kasama ni Rep. Gloria Macapagal-Arroyo  ang kanyang  anak na isa  sa may-akda ng House Bill 1583 na naglalayong gawing krimen ang pagmomonopolya ng negosyo at   lahat  ng porma ng   “artificial  machinations  na  nakakasira”  sa  malayang   kumpetisyon sa merkado.

Ang bill, na kasamang umakda si Camarines Sur Rep. Diosdado Arroyo, ay may kaparusahang  hindi  hihigit  sa  P100-milyon multa  at  pagkakulong  din ng hindi  hihigit  sa  sampung  taon  ang  mga lalabag.

Matagal na aniyang nagtitiis  ang  mga mamamayan mula  sa  mga  kamay ng mga industriyang mapagsamantala   dahil sa kakulangan ng  regulasyon  at  panangga  sa mga mapagsamantala.

“Unscrupulous businessmen have found ingenious ways to artificially control prices and manipulate the free market system.  It, thus, behooves both Houses of Congress to establish a system that can adequately provide protection to our people against price manipulators,” ayon sa nakatatandang Arroyo. Beth Aragon

loading...

About Thor

You must be logged in to post a comment Login

Leave a Reply