Bilyong piso lugi ng gobyerno sa talamak na sugar smuggling

BILYONG piso ang nawawala sa kaban ng bayan dahil sa talamak na smuggling ng asukal sa bansa kung saan umaabot umano sa 100,000 hanggang  150,000 metriko tonelada ng asukal ang nailulusot papasok ng bansa nang hindi nagbabayad ng kaukulang buwis.

Ito ay ayon kay  House Committee on  Ways and  Means Chairman  at 2nd  district -Batangas Rep. Hermilando  Mandanas matapos  maharang ang 34 container  van  ng  asukal na ilulusot sana papasok sa bansa.

Kamakailan lamang  ay  pinangunahan ni  Mandanas  ang  Bureau of  Customs’s  team  sa pagbubukas  ng  container  vans  na naka-consign sa Berina  Agri Business  & General Merchandise  sa  Manila  International Container.

Ang nasabing  container  ay nasa  Alert  Order   dahil  sa  hindi pagdeklara ng  totoong nilalamam nito na nauna nang idineklarang  sports  equipment  at paper   doard   sa  import  entries.

Ayon kay  Mandanas, ang iligal na pagpasok ng  asukal  sa  bansa  ay nakaaapekto  sa mga  mag-aasukal  sa  bansa   maging  sa koleksyon  ng  gobyerno.

Ikinagalak naman ng Sugar  Alliance  of the Philippines  ang  naging   hakbang ni Mandanas.

Sinabi ni  Marcelino  Aganon, Jr. presidente ng  Confederation  of  Sugar  Producers Association, Inc. na malaking  tulong  sa kanila ang  naging kampanya ni  Mandanas  at maging  ang  hakbang ng  Kamara  para  matigil na ang  smuggling  ng  asukal sa bansa.

Sa  ginanap na   Congressional  Oversight  Committee on Physical  Examination  of  Imported  Articles  ay  seryosong   ipinatutupad  nito ang  nakapaloob na  direktiba  sa ilalim ng  Republic  Act No. 7650  upang matiyak  na mahadlangan ang pagpasok  sa bansa  ng mga kontrabando. Beth Aragon

loading...

About Gwenn

You must be logged in to post a comment Login

Leave a Reply