BIR walang ipinapatupad na bagong buwis

• Tweet

NILINAW ni Commissioner Kim Henares ng Bureau of Inernal Revenue na walang ipinapatupad na  bagong buwis ang  Aquino government sa loob ng unang 18 buwan ng taon o hanggang sa Disyembre 2011.

Ito ang iginiit ni Henares sa ginanap na pagdinig ng House committee on ways and means, Lunes, Marso 21,  kaugnay sa kontrobersyal na Annual  Information Return (AIR)  sa  chairmanship  ni 2nd district  -Batangas  Rep. Hermilando Mandanas.

Nilinaw din ni Henares  na  ang  Annual Information Return (AIR)  na  nakasaad sa Revenue Regulation 02-2011 na inisyu noong Marso 1 ay hindi isang taxing scheme.

“We are not imposing any new taxes. We are not passing anything that will be imposing new taxes. We’re just implementing the law and we recognize that the taxing power belongs to Congress,” sinabi pa ni Henares  sa Komite.

Sa ginanap na pagdinig, hiindi rin  inihayag  ng  commissioner  ang  makokolekta mula  sa  AIR  sa  sandaling ipatupad ito nang  tanungin ni 2nd  district- Valenzuela Rep. Magtanggol Gunigundo.

Wala aniyang  eksaktong figure dahil sa ang layunin umano ng AIR regulation ay itaas ang compliance ng taxpayers.

Sa kabila nito bagamat hindi umano magpapatupad ng bagong buwis ang gobyerno, nananatili pa rin silang nakatutok sa pagtaas ng revenues sa pamamagitan ng tamang tax collection at restruction ng batas kaugnay sa buwis.

Matatandaan na noong nakaraang linggo, sinabi ni Presidential communications Secretary Ricky Carandang na pinakamainam na magpatupad ng bagong tax measure ay sa loob ng dalawang taon termino dahil sa ito ang may pinakamataas na bilang.

Ang pahayag na ito ni Carandang ay kaugnay sa rekomendasyon ng Philippine Institute for Development Studies (PIDS) na ang pagtataas ng buwis ay mahalaga upang matugunan ang Millennnium Development Goas (MDGs) sa taong 2015. Beth Aragon

• Tweet

Related Posts

• 

  BIR employee, dakip sa pangingikil
  BIR employee, dakip sa pangingikil
• 

  Richard Gutierrez, kinasuhan ng falsification at perjury
  Richard Gutierrez, kinasuhan ng falsification at perjury
• 

  BIR sinabon ni Speaker Alvarez
  BIR sinabon ni Speaker Alvarez
• 

  Palpak na koleksyon ng BIR, isinisisi sa mataas na opisyal
  Palpak na koleksyon ng BIR, isinisisi sa mataas na opisyal

You must be logged in to post a comment Login