Home   >   Breaking News   >   ‘Humps’ ibabawal na sa Maynila

‘Humps’ ibabawal na sa Maynila

PINAALALAHANAN ni Manila City Engineer Armand Andres  na ipinagbabawal na ang paglalagay ng mga  “humps” sa kalsada sa Maynila bilang seguridad sa mga motorist.

Ayon kay Andres,  may  ipinatutupad na city ordinance ang lungsod na  hindi maglagay ng mga humps  sa anumang kalsada sa lungsod dahil  nagiging sagabal ito sa mga responde sa emergency cases.

Sinabi ni  Andres na marami ang nagrereklamo sa humps dahil ito ang kadalasang nagiging sanhi ng mga  aksidente.

Bagama’t  para rin sa seguridad ng mga residente, sinabi ni Andres na  hindi naman maaaring basta na lamang  ipatupad ang paglalagay ng humps kung hindi aprubado ng city council.

Gayunman, aminado si Andres na may humps sa ilang lugar sa lungsod subalit hindi  na lamang ito inaalis dahil wala namang  nagrereklamo.

Samantala,  sinabi naman ni Engr. Alex Mohammad ng  MMDA na sinisimulan na nila ang paglilinis ng mga creek at ilog sa pakikipagtulungan ng City of Manila upang maiwasan ang anumang pagbabara at pag-apaw ng mga ito.

Aniya, delikado ang mga ito sa kalusugan ng mga residente na  naninirahan sa mga creek sa lungsod. Verlin Ruiz

About Gwenn

You must be logged in to post a comment Login

Leave a Reply