Ano ang Urinary Tract infection?

NARANASAN mo na bang magkaroon ng UTI o urinary tract infection?

Ang UTI ay isang uri ng bacterial infection na nakaaapekto sa anumang bahagi ng urinary tract ng tao.

Kadalasang ang causal agent nito ay ang Escherichia coli. Kahit na ang ihi na tao ay nagko- contain ng maraming fluid, asin o salt at mga waste product, kadalasang wala naman itong bacteria.

Kapag nagkaroon ng bacteria at nakarating ito sa bladder o sa kidney at dumami sa ihi, dito na nagkakaroon ng UTI ang isang tao.

Ang most common type ng UTI ay ang bladder infection. At ang infection sa upper urinary tract ay tinatawag na pyelonephritis, ito ay mas seryosong tipo ng UTI.

Itinuturing din ang mga babae ang pinaka-prone na magkaroon ng UTI dahil ang urethra ng mga babae ay higit na mas malapit sa anus kaysa sa mga lalaki.

Sintomas

Kadalasan, ang taong may UTI ay makararanas ng mga sumusunod:

1.Masakit na pag-ihi.
2.Pagkakaron ng cloudy urine.
3.Burning with urination o yung tinatawag na dysuria.
4.Madalas na pag-ihi o yung tipo na pakiramdam ay naiihi ngunit hindi naman talaga naiihi o popular sa tagalo na “balisawsaw.”
5.Maaaring makaranas ng pananakit ng likod o tagiliran (bandang bladder sa kaliwa)
6.Maaaring lagnatin kung malala na.

Ang mga sintomas ng UTI ay depende din sa edad ng tao at sa parte ng urinary tract na na-infect.

Sa mga younger children, ang mga sintomas ay maaring diarrhea o pagtatae, kawalan ng ganang kumain, pagsusuka at lagnat.

Sa older children naman ay makaka- experience ng abdominal pain.

Ang lower urinary tract infections sa adults ay makararanas ng hematuria (blood in the urine), balisawsaw at malaise.

Iba pang senyales ng UTI ay ang pagkakaroon ng dikanais-nais na amoy ng ihi at pagigimg cloudy ng kulay ng ihi.

Ang sintomas ng UTI ay depende rin kung anong parte ng urinary tract ang na-infect. Halimabawa ang urethritis, ang urethra lang ang naapektuhan, ang sintomas nito ay dysuria. Kapag ang bladder ang na-infect ay pasyente ay makaka- experience ng mas maraming sintomas gaya ng lower abdomen discomfort, low-grade fever, pelvic pressure, at madalas na pag-ihi at dysuria.

Itinuturing na pinaka-prone sa UTI ang mga kababaihan sapagkat ang urethra ng mga babae ay higit na mas malapit sa anus kaysa sa mga lalaki.

Treatment

Nade-detect ang UTI sa pamamagitan ng pagkonsulta sa doktor kapag nakaranas ang ilang sintomas nito. Pinapasuri ng doktor ang ihi ng pasyente at ito ay tinatawag na urinalysis.

Ang UTI ay nagagamot sa pamamagitan ng pag-inom ng oral antibiotic gaya ng trimethoprim, cephalosporins, nitrofurantoin o kaya ang flouroquinolone ay nakakapagpaiksi ng recovery. Lahat ng nababnggit ay epektibo sa short at long term cure.

Mayroon namag tao o sinasabing 50 porsiyento ng tao ay gumagaling ng ilang araw lang o ilang linggo nang walang gamutan.

Ang antibiotic ay hindi dapat na basta-basta iniinom. Mas mainam ang pagkonsulta sa doktor bago uminom nito.

Ipinapayo rin ang pag-inom ng maraming tubig.

Sa mga kababaihan naman ay panatilihin ang proper hygiene at palagiang paghuhugas at pagsasabon ng ari. Mas maganda rin kung magpapalit ng underwear ng madalas sa loob ng isang araw.

oOo

Ano ang Cystitis o bladder infection sa kababaihan

ANG cystitis o bladder infection ay sanhi rin ng bakterya. Pinaka-common na sintomas nito ay ang madalas na pag-ihi, nakararanas ng sakit o mainit na pakiramdam tuwing iihi.

Sa mga kababaihan, common ang cystitis lalo na sa panahon na sila ay buntis.

Dahilan kung bakit prone ang babae sa cystitis;
1. Malapit ang urethra patungong vagina sa anus.
2. Sexual intercourse ay maaaring pagmulan din nito.
3. Ang pregnancy mismo ay nakai-interfere sa page-empty ng bladder.
4. Ang pagkonti ng estrogen sa menopausal period ay nakapagpapanipis ng vaginal at vulvar tissues sa paligid ng urethra (atrophic vaginitis and atrophic urethritis) na maaaring maka-predispose sa babae na paulit-ulit na magkaroon ng cystitis.

Sintomas
1. Nakararanas ng urge na maihi lagi o pakiramdam ng frequent urination. Ang palagiang pag-ihi ay posibleng maging sanhi ng hindi makontrol na pag-ihi (uncontrollable loss of urine) lalo na sa matatanda.
2. Lagnat
3. Nakararamdam ng sakit sa itaas na bahagi ng pubic bone at minsan ay masakit din sa lower back.
4. Madalas na pag-ihi sa gabi (nocturia).
5. Cloudy ang ihi at maaaring mayroong dugo.

Maaaring mawala ang cystitis kahit walang treatment. Minsan ang cystitis ay walang sintomas partikular na sa matatanda at nakikita lamang sa urinalysis o pagsusuri sa ihi.

Diagnosis

Karaniwang binabase ng mga doktor sa sintomas ang diagnosis nila dito ngunit minamabuti pa rin nilang ipasuri ang ihi ng pasyente.

Malalaman dito kung kontaminado ng bakterya na maaaring galing sa vagina (o sa tuktok ng ari ng lalaki).

Minsan upang madaling ma-detect ito, isang strip ng test paper ay inilulubog sa ihi para din sa  substances na hindi normal na nakikita sa ihi.

Sa pamamagitan nito, nade-detect ang nitrites na nire-release ng bakterya.  Kabilang din sa nade-detect ay ang leukocyte esterase (enzyme na nakikita sa ilang white blood cells), na maaring nag-i-indicate na ang katawan ay sinusubukang alisin ang bakterya sa ihi. Sa matatanda, ito ang posibleng  pagte-test sa sakit na ito.

Prevention and Treatment

Ang mga taong may bladder infection ay maaring mag-take ng antibiotic. Ang dami at beses ay depende sa kaso at payo ng doktor

Ang pag-inom ng tubig ay nakatutulong ding ma-prevent ang cystitis. Sa pamamagitan nito, ang urine ay nakaka-wash sa bakterya palabas ng bladder.

Ang cystitis ay karaniwang nagagamot sa pamamagitan ng antibiotics. Siguraduhing nakapagpasuri muna bago uminom ng gamot.

Depende kasi sa pagsusuri nila ang paggagamot dito. Maaaring mahabang gamutan o mas maikli. Depende rin sa pagsusuri ang dosis nito.

Minsan nagbibigay din ng pain reliever kapag may sumasakit na parte ng urinary tract. Depende rin ito sa pagsusuri ng doktor.

About Thor

You must be logged in to post a comment Login

Leave a Reply