Tagalog gagamitin sa Ampatuan proceedings

WIKANG Tagalog ang nais ni Senate Pro-Tempore Jinggoy Estrada na gamitin bilang ‘medium’ sa proceedings ng Ampatuan massacre kasabay ng pagpapahintulot ng Supreme Court na live coverage para sa tinaguriang trial of the century.

Ayon sa senador, ngayong nagdesisyon na ang SC para sa panawagan ng Malakanyang at iba pang media organizations na ‘live coverage’ sa Ampatuan trial, dapat lang na tagalog ang gamitin sa loob ng hukuman ni Judge Jocelyn Solis Reyes ng Quezon City Regional Trial Court 221.

Naniniwala si Estrada na lubos na maintindihan ng masang Pilipino na nag-aantabay na manood sa telebisyon at makinig sa radyo patungkol sa naturang pagdinig kung tagalog ang gagamitin.

“All over the world, kung ano ang salita nila iyon ang ginagamit nilang medium sa court proceedings. Dito lang naman sa atin nag-English so it’s about time na tagalog na rin ang gamitin lalo’t Ampatuan massacre trial ito,” ani Estrada.

Dagdag ng senador, maging sa Senado ay pinapayagan na rin ang pagsasalita ng tagalog sa loob ng sesyon o kahit sa mga isinasagawang pagdinig kaya wala siyang nakikitang dahilan na katigan ng Korte Suprema ang kahilingang ganito.

Samantala, sinabi naman ni Senate Minority Leader Alan Cayetano na magandang ideya ang paggamit ng Filipino language sa Ampatuan trial.

Aniya, karapatan ng lahat ng ‘witnesses’ na alamin at magpahayag ng tanong at testamento sa salitang gusto nila.

Ayon pa kay Cayetano, ang medyo mahihirapan lamang sa planong gawing tagalog ang salita sa loob ng hukuman ay ang mga abogadong sanay mag-isip sa salitang ingles.

Matatandaang, pinahintulutan na ng SC ang ‘live coverage’ sa Ampatuan massacre trial, ngunit maraming bawal na dapat gawin ang mga mamamahayag na nagkokober dito.

Isa na sa restrictions ay ang pag-adlib o pag-annotate ng sinumang mamamahayag habang isinasagawa ang pagdinig, bagay na tinutulan ng National Press Club.

loading...

About Gwenn

You must be logged in to post a comment Login

Leave a Reply