Pinoy na call center agents bumababa ang kakayahan

UMAABOT na sa 600,000 Filipino ang pasok sa multi-bilyong-dolyar na industriya ng “call center” o “Business Processing Outsourcing (BPO),” ayon sa ulat ng Department of Science and Technology (DOST).

Sa ulat, nagkakahalaga na ng US$15 bilyon ang naturang industriya, na patuloy na umaakit sa tumataas na bilang ng mga Pinoy.

Ngunit may balakid umano sa paglago ng industriya sa bansa dahil bumababa ang kapabilidad ng mga Pinoy na call center agents. Katunayan, 7 porsiyento lamang umano sa mga nag-a-apply sa mga kumpanya ng BPO ang natatanggap.

Dahil dito, sinabi ni Science and Technology Secretary Mario Montejo na palalakasin ang kapabilidad ng mga Pinoy call center agent, lalo pa ngayon ay inilipat na sa ahensya ang pamamahala sa Commission on Information and Communications Technology, na pinangalanan na ngayon na ICT Office, base sa Executive Order 47.

Tinukoy ni Montejo ang kasalukuyang ginagawang pag-develop ng mga eksperto ng University of the Philippines sa isang software na makakatulong sa mga BPO worker na mahasa ang kakayahan, lalo na sa “accent” at “diction” kahit nasa loob lamang ng kanilang bahay.

“We believe that technology intervention will play a big role in the overall strategy to develop globally competitive manpower and  help increase the BPO acceptance rate from the current level”, ayon naman kay DOST spokesperson Raymund E. Liboro.

loading...

About Gwenn

You must be logged in to post a comment Login

Leave a Reply