FBI ipinatutugis na si Lynard Allan Bigcas

NAGBIGAY na ang Federal Bureau of Invetsigation (FBI) ng mga dokumento sa awtoridad ng bansa para sa  pagtugis kay Lynard Allan Bigcas kaugnay sa kaso nitong  smuggling ng luxury vehicles.

Ito ang kinumpirma ni Ilocos Norte Representative Rodolfo Farinas nang makakuha ng  kopya ng report ng National Bureau of Investigation (NBI) na may petsang Agosto 2 na nagsasaad ng mga dokumento  mula sa naging imbestigasyon ng  FBI sa ilegal na aktibidades ni Bigcas sa United States.

Ang nasabing dokumento mula sa FBI  ay naglalaman ng mga pangalan ng mga naging ka-deal ni Bigcas sa kanyang car and motorcycle  business at iba pang records tulad ng customs records na nagpapakita ng pagpadala nito ng shipment sa Pilipinas sa pamamagitan ng containers at balikbayan boxes.

“The noose is tightening on Mr. Bigcas,” ani  Farinas, vice chairman of the justice committee na siyang nag-iimbestiga ng smuggling activites sa ginanap na news conference sa Kamara.

Sinabi ng mambabatas na ang mga impormasyon mula sa FBI ay malaking bagay ito sa mga ahensiya ng gobyerno na tumututok sa kaso ni Bigcas tulad ng Department of Justice, Bureau of Customs (BoC) at ng NBI.

Noong nakaraang June, ipinatawag ng BoC si Bigcas at lima pang kasamahan nito sa pagdadala ng 29 luxury motorcycles at cars sa bansa na walang sapat na  bayad sa customs duties and taxes.

Kabilang  sa listahan ng BoC sa 29 cars and big bikes ang custom-made Martin Bros. chopper— na umano’y ninakaw sa Houston, Texas, at natagpuan sa Pilipinas.

Kasama rin sa listahan ang Mitsubishi Lancer Evolution,  Chevrolet Tahoe, Chevrolet Corvette, Dodge Charger, Toyota Sequoia, Ranger RZR Utility Terrain Vehicle, Polaris Magnum, Yamaha Ultramatic, Moto Elf, anim na Suzuki bikes, Kawasaki Ninja at dalawang Kawasaki bikes, Honda stunt bike at lima pang Honda bikes, Harley Davidson at tatlong Yamaha.

loading...

About Gwenn

You must be logged in to post a comment Login

Leave a Reply