‘Yes Pogi’ babawi kay ‘Darleb’

MULING masisilayan ang tambalang “Yes Pogi” at Manolito “Butchoy” Daquis.

Sa huling takbo ni 2010 Philippine Sportswriters Association, (PSA) Horse-of-the-Year awardee “Yes Pogi” ay sinakyan ito nina Esteban “Puroy” De Vera at Norberto Calingasan na mga class B jockey.

Natalo si 2010 Presidential Gold Cup king “Yes Pogi” kay “Darleb” ng gabayan siya ni De Vera habang naipanalo naman siya ni Calingasan sa isang Class Division 11-10 race.

Bukas ng hapon (Oktubre 23), si veteran jockey Daquis na ang rerenda kay “Yes Pogi” upang gantihan si “Darleb” sa Class Division 12-11-10 race na gaganapin sa Sta. Ana Park sa Naic, Cavite.

Si Daquis ang gumabay kay “Yes Pogi” na pag-aari ni Francis Lim ng manalo sila sa PGC nakaraang taon.

Ang ibang makakalaban nina “Yes Pogi” at “Darleb” sa distansyang 1,600 meter race ay sina “No Money No Honey” na sasakyan ni class A jockey Mark Angelo Alvarez, “Gastambide” na papatungan ni class B rider Rodeo G. fernandez at “Righthererightnow” na gagabayan ni star jockey Jeffrill Tagulao Zarate.

Samantala, masisilayan sa pambungad na karera ang Three-year-old Conditions A-1 race kung saan ay pitong de kalidad na kabayo ang maglalaban-laban para sungkitin ang halagang P20,000 na added prize para sa mananalong kabayo.

Ang couple entry na sina “Iwo Jima” at “Sweet Victory” ang napipisl ng mga karera tipsters kaya naman patok ito sa KT ng programa ng karera.

Kikilatisin sila “Iwo Jima” at “Sweet Victory” ng kanilang makakatunggaling sina “Silver Ridge,” “Poppy’s Diamond,” “Hello Hello,” “Damansuria” at “Temtress.” Elech Dawa

loading...

About accounting

You must be logged in to post a comment Login

Leave a Reply