BURLESK KING (Pwedeng Tingin Bawal Salingin) Wakas

“MGA kasamahan sila ng mga dumukot sa bata,” sagot ng pulis kay Glenna habang nakatingin kay Angel.

Isa-isang inilatag ang mga bangkay sa bakanteng lugar…

Hindi kabilang sa kanila sina Bruce at Glenna.

“Nasaan ang kanilang pinuno? Bakit wala siya at ang taksil kong asawa? Nakatakas ba sila?” tanong ni Joseph.

“Narito sila!” sagot ng isang pulis habang pinalalabas sa van sina Bruce at Hazel na kapwa nakaposas.

Pormal na hinarap sila ni Joseph at halinhinang tiningnan.

“Nagwakas din ang inyong kasamaan. Pagbabayaran ninyo ng mahal ang ginawa ninyo sa aming mag-ama,” sabi ni Joseph.

Mabilis namang tumanggi si Bruce.

“Wala akong intensiyon na dukutin ang anak mo. Asawa mo ang may pakana nito,” sabi ng lalaki.

Pumatak ang luha ni Hazel…

“Tinatanggap ko ang aking kasalanan. Patawarin ninyo ako,” luhaang sabi ng babae.

“Madali ka naming mapapatawad pero sa pagbabagong buhay naming mag-ama ay hindi ka na makakasama,” sabi ni Joseph saka umakbay kay Glenna para ipakita sa una na may kapalit na siya sa puso niya.

Matapos ang sinabi, inaya nang umalis ni Joseph si Glenna.

Lulan ng helicopter na bumalik na sila ng Maynila.

Sa bahay pa rin ng dalaga sila tumuloy.

Pagdating nila rito, pagpapakasal ang kanilang naging topic at itinakda nila ito sa lalong madaling panahon.

Isang araw, habang naglalakad si Joseph sa loob ng isang mall, isang lalaki ang kanyang nakabanggaan.

Biglang nagliwanag ang mukha nito nang siya ay makilala.

“P-Pare… Joseph… mabuti at nagkita tayo,” tuwang-tuwa niyang sabi. “Matagal ka nang ipinahahanap sa akin ni Mr. Ching.”

Tiningnan ng lalaki ang kaharap. Hindi niya matandaan kung saan ito nakita.

“Excuse me, pare. Hindi kasi kita matandaan. Ano nga pala ang pangalan mo?” nakahawak sa batok na tanong ni Joseph.

“Ano ka ba? Ako si Dondon. Ang waiter sa gaybar na alalay mo sa pagpasok at pag-uwi dahil bulag ka,” sagot ng lalaki.

Biglang nagliwanag ang mukha ni Joseph …

“Naalala ko na,” masaya niyang sabi.

Nakamaang na nakatingin sa kanya si Dondon.

“S-Sandali! Parang hindi ka na bulag. Nakakakita ka na ba, pare?” tanong ng una.

Masayang tumango si Joseph.

Tuwang-tuwa si Dondon.

“Ano ngayon ang sasabihin ko kay Mr. Ching sa pagpasok ko mamaya?” tanong ng waiter.

“Pakisabi sa kanya na iba na ang buhay ko ngayon kaya hindi na ako magbabalik sa dati kong trabaho bilang burlesk king. At pakisabi rin na iniimbitahan ko siya sa araw ng aming kasal ni Glenna. Huwag kang mawawala, pare,” masayang sabi ni Joseph.

“Hindi pa man, binabati na kita, pare,” sabi ni Dondon saka mahigpit na kinamayan ang dating bulag na burlesk king.

Nang maya-maya ay biglang pumormal ang kanyang mukha.

“Ang anak mo nga palang si Angel, kumusta na? At ano na rin ang balita sa taksil mong asawa?” tanong ni Dondon.

“Nabawi ko na ang aking anak at nakakulong na si Hazel kasama ang kanyang kalaguyo,” sagot naman ni Joseph.

“Kaya pala ganyan ang aura mo. Wala ka na palang problema!”

Tumawa si Joseph at masayang umapir kay Dondon bago sila naghiwalay.

Malalim na napabuntong hininga si Joseph nang wala na ang kaibigan. Hindi niya naiwasang mapangiti.

Tapos na ang unos na dumaan sa buhay nilang mag-ama ni Angel. Dapat nang itiklop ang kanilang kasaysayan para bigyang daan ang pagsisimula  ng isang bagong buhay.

loading...

About Gwenn

You must be logged in to post a comment Login

Leave a Reply