Ilang kalsada sa Makati isasara sa Disyembre 31

PINAALALAHANAN ng pamahalaang lungsod ng Makati na isasara sa trapiko sa Disyembre 31 ang ilang kalsada upang bigyan daan ang  malaking programa na idaraos sa pagsalubong sa Bagong Taon.

Kabilang sa mga kalsadang isasara upang bigyang-daan ang tradisyonal nang “New Year’s Eve Countdown 2011” ng Lungsod Makati ang Ayala Avenue mula Paseo de Roxas hanggang North Drive at mula Fonda hanggang Paseo de Roxas.

Isasara rin ang Makati Avenue mula Paseo de Roxas hanggang Dela Rosa Street.

Inihayag naman ni Makati Department of Public Safety (MAPSA) Director Hermenegildo C. San Miguel ang mga alternatibong ruta para sa mga pampublikong behikulo:

Sa mga pampublikong bus, na mga galing sa norte ay kakanan sa Sen. Gil Puyat habang ang mga galing naman sa SLEX, Buendia at Pasay City ay kailangang dumaan sa Gil Puyat Avenue at kumaliwa ng Edsa tungo sa destinasyon.

Sa mga pampublikong dyip, ang mga nagmula sa JP Rizal ay kakanan sa Makati Avenue, kanan sa Paseo de Roxas at kanan muli sa Ayala Avenue tungo sa destinasyon.

Ang mga buhat naman ng Washington Street ay kakanan sa Gil Puyat, kanan sa Ayala Avenue, kanan sa Salcedo, kaliwa sa Benavidez tungo sa Esperanza, muling kakanan sa Makati Avenue, kanan sa Paseo de Roxas, kaliwa sa Dela Rosa, kanan sa Salcedo at kaliwa sa Ayala Avenue tungo sa destinasyon.

Pinaalalahanan ng MAPSA ang publiko sa mabigat na daloy ng trapiko sa mga lugar na pagdarausan ng programa at tumahak sa mga inilaang alternatibong ruta.

loading...

About Thor

You must be logged in to post a comment Login

Leave a Reply