GMA-7 mahilig mag-ulit ng serye na ipinalabas na sa ABS-CBN!

NAKAGUGULAT na ipinalabas muli ang hit series na “It Started With A Kiss” (isang Chinovela na hango naman sa isang Japanese manga) sa GMA-7.

Mayaman naman ang station na ito, pero bakit kaya kinuha nila ang nasabing Chinovela na una nang ipinalabas sa ABS-CBN 2 noong 2006?

Inulit pa nga ito ng Dos noon nang sumunod na taon (2007) at ang maganda pa ay isinunod ang sequel nito na “They Kiss Again” kung saan nag-mature na ang mga bidang karakter na sina Jeannie at Michael (na ginampanan ng mga sikat na sina Ariel Lin at Joe Cheng, ka-love triangle ang sikat din na miyembro ng Fahrenheit na si Jiro Wang).

Ilang taon na ang nakalilipas kung tutuusin at maraming magaganda at bagong Chinovela, Koreanovela at Japanese novela. Pero napili ng GMA-7 ang It Started With A Kiss na ipalabas.

Kahapon (Pebrero 20) ito nagsimula sa Siyete at iniba ang mga pangalan ng karakter. Arianne na ang pangalan ni Ariel Lin at Joseph naman ang name ng guwapong si Joe Cheng.

Maaaring nagandahan ang GMA-7 sa istorya ng It Started With A Kiss kaya nila ito kinuha. Tama ba?

Kung matatandaan, hindi ito ang unang pagkakataon na nagpalabas ang GMA-7 ng programa na naiere na sa Dos.

Naalala ninyo ba sina Dao Ming Zi (Jerry Yan) at Shan Cai (Barbie Hsu), kasama sina Hua Ze Lei (Vic Chou), Xi Men (Ken Chu) at Mei Zuo (Vanness Wu)?

Taong 2007 (yata) nang ipalabas ng GMA-7 ang super Taiwanese hit series na Meteor Garden (pinagbidahan ng Taiwanese boy band na F4) na unang ipinalabas sa Dos noong 2003. Ilang beses na inulit ito sa Dos at ipinalabas pa ang sequel nito.

Ang Meteor Garden lang naman ang nagpataob ng bonggang-bongga sa Siyete noon. ‘Di kaya nakaporma ang Siyete noon sa Dos kahit na mega hit din ang itinapat nila dito na “My MVP Valentine.”

Bakit kaya sila mahilig mag-ulit ng programa na ipinalabas na sa Dos? Nagtatanong lang po?

loading...

About Thor

You must be logged in to post a comment Login

Leave a Reply