Sekyu ng public school pinasasahod ng pupils

MUKHANG may naaamoy akong hindi maganda sa pamamalakad  ng mga namumuno ng Malaya Elementary School na nasa Barangay Malaya sa Quezon City.

Sa nakarating na sumbong sa Lily’s Files  ng ilang magulang ng mga nag-aaral dito, inoobliga raw silang magbayad ng P15.00 sa isang buwan para sa suweldo ng security guard  ng nasabing paaralan.

Kung 500 ang estudyante ng paaralang ito ay  nangangahulugang  sumu-suweldo ang kanilang guard ng P7,500 sa isang buwan sa tig-P15.00.

Paano kung mahigit sa 500 ang estudyante?

Hindi ba mahigpit na ipinagbawal ng Department of  Education o DepEd ang pangongolekta  ng pera sa mga estudyante?

Eh bakit ang Malaya Elementary School ay malayang nakapangongolekta  ng P15.00 kada buwan sa  kanilang mga estudyante?

Hindi lang ito ang kinokolekta ng  mga guro.

Marami pa ngunit hindi na  dinetalye ng mga magulang kung ano-ano ang mga ito.

Sa tingin kaya ng mga guro rito, ang kanilang kinuhang guard ay kayang magtanggol ng kanilang mga estudyante o baka puro porma lang  na pag may dumating na problema ay mauuna pang magtago o tumakbo  kaysa  sa mga bata.

Kung ilang ulit akong nagtungo sa tanggapan ng Principal ngunit parating wala ito kung kaya sinubukan kong tawagan sa telepono at salamat naman at pinaunlakan tayong makausap ito.

Bagama’t kinausap  ang inyong lingkod sa pamamagitan ng telepono ay nakiusap naman ang Principal ng Malaya Elementary School na huwag na raw banggitin pa ang kanyang  pangalan at ito po ang ating gagawin.

Inamin ng Principal na  nangongolekta  sila ng P15.00 sa mga estudyante buwan buwan. (ITUTULOY)

loading...

About Gwenn

You must be logged in to post a comment Login

Leave a Reply