Heat streak

PATULOY na umuusok ang Miami Heat dahil tinarak nila ang ika-15 sunod na panalo sa kanilang home court sa nagpapatuloy ng 2011-12 National Basketball Association, (NBA) regular season kaninang umaga.

Parehong kumana ng tig-19 puntos at tig-siyam na rebounds sina star players LeBron James at Chris Bosh upang tustahin ang defending champion Dallas Mavericks, 106-85.

“We just worked our habits,” ani James. “The best thing about tonight, we didn’t take another step backwards like we did the last two games. And it was good to see.”

Siniguro ng Heat na hindi na sila magko-collapse sa fourth quarter matapos ilista ang 26-13 run upang manatiling nasa top two ng Eastern Conference na may kartadang 36-13 win-loss.

Nag-ambag din sina Heat point guard Dwyane Wade at bench player Udonis Haslem ng tig-16 markers.

“I felt like we were in control,” saad ni Wade. “They got a couple things to go their way. It was just about settling down and running offense.”

Kinapos ang 25 points, anim na boards at tatlong assists na ginawa ni Mavs ace player Dirk Nowitzki kaya naman napako sa 29 na panalo ang Dallas matapos ang 52 na laro.

“You have to give them credit,” wika ni Nowitzki. “They stepped up their pressure on both ends of the floor. In the first half everything came a little too easy for us. We got some good looks, got some rolls, had everything going. Then they really picked up their pressure and we didn’t have many good looks.”

Si Lamar Odom ang sumegundo kay Nowitzki sa opensa matapos magsalpak ng 12 puntos, apat na rebounds at tatlong assists.

Samantala, lagapak ang Washington Wizard sa Indian Pacers, 89-93 habang pinayuko ng Portland Trail Balzers ang New Orleans Hornets, 99-93.

loading...

About Thor

You must be logged in to post a comment Login

Leave a Reply