Pacers pasok sa playoff

SUMAMPA sa playoff ang Indiana Pacers matapos nilang tambakan ang Cleveland Cavaliers, 102-83 kaninang umaga sa nagaganap na 2011-12 National Basketball Association, (NBA) regular season.

Nasa pangatlong puwesto ng Eastern Conference standings ang Pacers na may kartang 37-22 matapos magtulungan sa opensa sina Danny Granger na umiskor ng 18, apat na rebounds at tatlong assists at Tyler Hansbrough na may 16 markers at tatlong steals.

“We haven’t accomplished anything yet,” wika ni Indiana coach Frank Vogel. “Nothing has changed for us. We felt for a while we would be in the playoffs, but until we get home-court advantage, there is work to be done.”

Humalo rin sa opensa ng Pacers sina George Hill, (15 points, seven assists at four boards) at Leandro Barbosa, (13 points, four assists at two rebounds.).

“Sometimes, it might not be your time to take the shots and be aggressive,” ani Hill. “In the second quarter, even playing with D.G. (Danny Granger) out there, he saw that I had the mismatch at the time and I had it going a little bit and we were running a lot of things for me, and then in the third quarter, we had D.G. and David West going.”

Hawak naman ng Chicago Bulls ang top spot ng EC na may 45-14 win-loss slate habang ang defending EC champion Miami Heat ay nasa pangalawang puwesto na tangan ang 41-17 win-loss card.

Sa ibang resulta ng laro sa NBA, kinawawa ng Heat ang Charlotte Bobcats, 105-82 habang pinaglaruan naman ng Atlanta Hawks ang Orlando Magic, 109-81.

loading...

About Thor

You must be logged in to post a comment Login

Leave a Reply