DECEMBER 21, 2012

ANO nga kaya ang mangyayari sa DECEMBER 21, 2012?

Marami ang natawa at marami rin ang natakot sa mga kumakalat na balita na magugunaw na ang mundo sa darating ng DECEMBER 21, 2012.

Ilang dokumentaryo na ang ginawa at ilang balita na ang lumabas ukol sa “dooms day” na lubhang lumikha ng takot lalo na’t papalapit na ang DECEMBER 21, 2012.

Sinasabing nagsimula ang prediksyong ito sa Mayan calendar na nagtatapos sa DECEMBER 21 na papatak ngayong taon sa ganap na ika-7:11 ng gabi (sa Pilipinas).

Ayon sa mga pananaliksik ang mga Mayan ay mahuhusay na astronomers at mathematician. Mataman nilang pinag-aaralan ang kilos ng mga planeta at mga bituin sa langit dahil sa “precise mapping” ng mga heavenly body na ito nakadepende ang kanilang kabuhayan at pamumuhay.

Marami pang sumuporta sa prediksyong ito base na rin sa pag-aaral ng mga eksperto. Kalat na kalat na ang mga ito sa internet, na isang magandang medium para mabilis na mapaabot sa maraming tao sa iba’t ibang parte ng mundo ang naturang balita.

Batay naman sa NASA, magkakaroon ng “galactic alignment” ang mundo at araw sa gitna ng Milky Way Galaxy na hindi pangkaraniwang nangyayari sa DECEMBER 21, 2012. May pag-aaral din na lumabas na may butas na ang protective layer ng Earth na panangga nito sa matinding sikat ng araw. At sa oras na mag-align umano ang mundo at araw ay direktang papasok ang napakatinding init sa mundo na lubhang mapanganib sa tao.

May ulat rin na nagsabi na may kometang tatama sa mundo na siyang posibleng makawasak sa tahanan ng tao.

May mga dokumentaryong lumabas kung saan ipinakita na aksidenteng nakuhanan ng video ng isang sikat na international news channel sa mundo, na may mga elitistang nagpapagawa na ngayon ng malaking barko para kanilang masakyan sakaling lamunin ng malaking tubig ang mundo gaya ng nangyari sa sa istorya ng “Noah’s Arc” sa Catholic Bible.

Nagpapatayo na rin ang mga elitista ng mga city o mga lungsod sa ilalim ng lupa kung saan sila nagpapagawa ng mga condominium na kanilang pagtataguan sa oras na dumating na ang kinatatakutang araw.

Bumibili o mas tamang sabihin na pinapakyaw na nila ng malakihan ang mga pangunahing bilihan gaya ng pagkain at tubig at iniimbak o itinatago para may makain at mainom sila pag dumating ang kinatatakutang araw.

Marami ang naniniwala, marami ang hindi. Kanya-kanya ng opinyon ngunit sa totoo ay walang sinuman ang talagang nakakaalam kung kailan magugunaw ang mundo at kung may mangyayari nga sa DECEMBER 21, 2012.

Power of prayers

Ang tanging magagawa lamang natin ay maghintay at sabayan ng panalangin na sana ay may magandang bukas na naghihintay sa sangkatauhan pagkatapos ng DECEMBER 21, 2012.

Nakatutuwang pinangunahan ng sikat na motivational speaker ng bansa na si John Calub ang pagbuo ng kampanyang tinawag na “UNITE TO PRAY.”

Si Calub ay naglibot sa iba’t ibang panig ng mundo upang mangalap ng impormasyon ukol sa “dooms day.” Aniya, naniniwala siya na may magaganap sa DECEMBER 21, 2012 ngunit sinabi niya na kung anuman ito ay hindi niya alam.

Sa ngayon, target ng grupo ni Calub na makaimpluwensiya ng 1,000,000 Filipino o mas higit pa, upang sabay-sabay na manalangin tuwing ika-7:11 ng gabi (oras sa Pinas) araw-araw para sa magandang kinabukasan ng sanlibutan.

Kahit ano pa ang relihiyon ay malugod na inaanyayahan na makiisa para sa nasabing kampanya.

“Thoughts become things,” ani Calub.

Naniniwala siya na kung milyun-milyon o bilyon-bilyon na Pinoy at banyaga mula sa iba’t ibang panig ng mundo ang makikiisa sa pagdarasal para sa pagmamahal, kapayapaan at kapatawaran ay malaki ang posibilidad na maimpluwensiyahan nito ang kasaysayan ng mundo para sa magandang kinabukasan.

Opisyal na ilulunsad ng grupo ni Calub ang website ng UNITE TO PRAY sa Sabado, Mayo 12, 2012 sa SMX Convetion Center, SM Mall of Asia.

About Thor

You must be logged in to post a comment Login

Leave a Reply