Chinese hinoldap na ginilitan pa

GINILITAN sa leeg nang paulit-ulit ang isang Chinese national na babae nang holdapin ito ng dalawang hindi nakilalang suspek habang sakay ng kuliglig sa Binondo, Maynila kagabi.

Kinilala ni Sr. Insp.Joey de Ocampo, hepe ng Manila Police District-Homicide Section ang biktima na si Lirong Yang, 27, may-asawa, bussinesswoman, tubong Fujian, China at nanunuluyan sa 8-DCPC Bldg. 686 Sta.Elena St., Binondo, Maynila.

Sa report ni PO3 Rodel Benitez, imbestigador, dakong alas-11:15 kagabi nang maganap ang insidente sa kahabaan ng Muele del Binondo, panulukan ng San Nicolas sts., ng nasabing lugar.

Nauna rito, sumakay umano ang biktima ng kuliglig (tricycle) upang bisitahin ang isang kaibigan sa Chinatown Steel Tower na matatagpuan sa Asuncion St., Binondo.

Pagsapit umano sa kahabaan ng Muelle del Binondo malapit sa Nicolas St., ay inihinto umano ng driver at kasama nito ang kuliglig sa isang bakanteng lugar na natatakpan naman ng dalawang nakaparadang sasakyan.

Dito na sinimulang limasin ang mga gamit ng biktima habang nakatutok sa kanya ang patalim.

Ngunit hindi pa nakuntento ang mga suspek at nilaslas pa ang leeg ng biktima at saka iniwan sa sementong kalsada.

Si Arnold Terceno, sekyu na naka-duty umano ilang metro ang layo mula sa pinangyarihan ng insidente ang nakapansing may komosyon.

Sinigawan ni Terceno ang mga suspek kaya mabilis na pinatakbo ang kanilang kuliglig at iniwan ang biktimang naghihingalo.

Hindi na nagawang maitakbo ni Terceno ang biktima sa pagamutan dahil namatay na rin ito makalipas lamang ng ilang minuto.

Narekober naman sa crime scene ang ginamit na patalim sa biktima .

Dinala ang bangkay ng biktima sa Cruz Funeral Parlor habang patuloy ang imbestogasyon ng pulisya sa kaso.

loading...

About Thor

You must be logged in to post a comment Login

Leave a Reply