Kamote, pampababa ng cholesterol

DAHIL sa tumataas na presyo ng medisina , natuklasan ng siyensya na bukod sa sustansyang taglay ng kamote ay mainam din ito na pampababa ng kolesterol.

Batay sa ginawang pagsusuri ng Food and Nutrition Research Institute ng Department of Science and Technology (FNRI-DOST) sa anim na lamang-ugat tulad ng kamote, kamoteng-kahoy, gabi, ube at tugi, ang kamote at kamoteng kahoy ay may mahalagang epekto sa total blood cholesterol levels.

Ang kamote ay isa sa malimit itanim dito sa Pilipinas dahil ito ay tinuturing na isa rin sa mga pagkain o staple food gaya ng kanin at tinapay. Bukod sa ginagamit na pambakod, ang kamoteng kahoy isa sa ginagamit na pamatay gutom.

Ang kamote ay mayaman sa carbohydrates at carotene (katumbas ng bitamina A) depende sa kulay nito.

Ang dilaw na kamote ay mayaman sa carotene kumpara sa puti at kulaylila. Samantala ang puting uri ng kamote ay mas mayaman sa kalsyum kaysa dilaw na uri.

Mas mataas din ang taglay na iron at bitamina C ang puting kamote kaysa dilaw na uri.

Ang lilang kamote ay may pinakamataas na taglay na bitamina kaysa sa dilaw at puti na uri.

Nakasaad sa Gabay para sa Wastong Nutrisyon ng mga Pilipino na kumain na mas maraming gulay, prutas at lamang-ugat.

Laging tandaan na ang kamote ay di lamang masustansya ngunit mura rin ito kaya ipinapayo ng pamahalaan na ugaliing magtanim ng anumang lamang ugat sakaling may bakanteng lupa na mapagtataniman.

About accounting

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>