Buwang na wika

Patapos na ang Buwan ng Wika ngayong buwan na ito, month of August.

Ang pambansang wika natin ay tinatawag ngayon na Filipino, pero sa totoo lang, wala namang Filipino language. Either Tagalog ka o Bisaya, Ilokano, Waray, Bajao o Tausog.

Ganundin naman sa lahat ng mga bansa. Ang national language, katulad ng national language ng China, Malaysia, Indonesia, America o United Kingdom ay base sa dami ng nagsasalita ng kanilang mga wika.

Dati-rati ay Tagalog ang wikang pambansa natin. Natural lang dahil labanan ito ng
paramihan ng gumagamit ng wikang Tagalog.

Ang national language ng China ay hindi ang non-existent Chinese language kundi Mandarin. Ang national language ng Malaysia ay Bahasa.

Eh bakit biglang naging Filipino ang language natin na inimbento lamang ng mga walang magawang linguist?

Dahil siguro may pera riyan. Nagkaroon ng bagong trabaho at suweldo ang mga unemployed nerds na ito.

Nakabubuwang ang Filipino national language. Una, wala ito sa dictionary. Pangalawa, gawa-gawa lamang ito ng mga buwang.

Noong estudyante pa lamang ako, itinatag ang Wikang Filipino. Magmula ngayon, hindi na salawal ang tawag sa panties o briefs. Salung puwit na. Eh paano naman ang nasa harap ng puwit? “Huwag kang bastos,” banta sa akin ng titser ko.

Paano naman ang bra? Salong suso ba ang tawag dito?

Sa America, ang recognized na wikang pambansa ng mga Filipino ay Tagalog, hindi ang non-existent Filipino language.

Ang language ay ginagamit bilang means of communication, pero sa halip na makapag-communicate ang mga Pinoy ay lalo lamang itong nagiging kalito-lito.

Ang hindi magmahal ng sariling wika ay higit pa sa malansang isda. Siyempre naman, malansa ang isda, pero ano kaya talaga ang wika ng mga isda?

Anyway, isinulat ni Jose Rizal ang talatang ito sa wikang Tagalog. Pero minahal ba ito ni Rizal?

Iisa o dalawang tula o nobela pa lamang ang alam kong isinulat ni Rizal. Lahat ay Espanggol.

Si Manuel Quezon ang sinasabing ama ng wikang Tagalog na ngayon ay tinatawag nang ama ng wikang Filipino.  Kung buhay lang si Quezon ngayon, hindi papayag si Quezon na gawing “Filipino” ang Tagalog.

Katulad ni Rizal, si Quezon din ay halos hindi nagsasalita ng Tagalog o “Filipino.” Ang kanilang wika ay Spanish, Castillan.

Mabuti pa si Andres Bonifacio. Tagalog ang kanyang tula at salaysay.  Mabuti pa si Ramon Magsaysay, Tagalog ang kanyang wika. Ganundin si Pangulong PNoy Aquino.

loading...

About Gwenn

You must be logged in to post a comment Login

Leave a Reply