Paggamit ng gadget sa banal na misa, tutol ang ilang Obispo

TUTOL pa rin ang ilang Catholic bishops sa paggamit ng mga gadgets tulad ng iPad o tablet computer na may electronic Catholic Bible o Missal application upang palitan ang tangible Missal sa pagdiriwang ng Banal na Misa.

Ito ay sa kabila nang unti-unting paggamit ng simbahan sa internet at social media upang maipaabot sa mga tao ang mga Salita ng Diyos.

Nabatid na ang Missal ay ang liturgical book na naglalaman ng mga gabay at mga teksto na kinakailangan sa pagdiriwang ng Banal na Misa sa buong taon.

Ayon kay Legazpi Bishop Joel Baylon, kung siya ang tatanungin ay dini-discourage niya ang mga kapwa pari sa paggamit ng electronic Bible o Missal mula sa iPad o tablet computers para palitan ang Banal na Bibliya.

Sinabi ni Baylon na hindi katulad ng Bibliya o ng Missal, ang iPad o tablet computers ay hindi ekslusibong ginawa para sa Eukaristiya.  Hindi rin, aniya, akma ang iPad sa kasagraduhan ng altar.

“The iPad is not appropriate for the sanctity of the altar. It can be both secular and mundane, making it unfit to replace the Missal or the other books that are set aside for the Liturgy, and the books that are made only for the altar,” pahayag pa ni Baylon, sa isang artikulo sa website ng Catholic Bishops’ Conference of the Philippines (CBCP).

Sa kabila naman nito, sinabi ni Baylon na maaari rin namang gumamit ng iPad sa mga ekstraordinaryong pagkakataon tulad kung bumibiyahe o kung walang access sa Bible o Missal, ngunit hindi naman dapat na gawing regular ang paggamit dito.

“There are exemptions.  But this should not be for regular use,” giit pa ni Baylon, na siya ring chairman ng CBCP-Episcopal Commission on Youth.

Sinabi pa niya na maaari rin namang magamit ang iPad bilang instrumento sa pang-araw-araw na panalangin ngunit hindi nito maaaring palitan ang Banal na Bibliya.

Nilinaw naman ni Baylon na ang kaniyang posisyon hinggil sa paggamit ng iPad o tablet computer sa pagmimisa ay hindi posisyon ng CBCP.

Sa ngayon, wala pang posisyon ang CBCP kung pabor ba itong gumamit ng gadget sa pagdiriwang ng mga banal na misa sa bansa.

loading...

About accounting

You must be logged in to post a comment Login

Leave a Reply