Pinay sa UAE tinamaan ng Stevens-Johnson Syndrome, kritikal

NASA kritikal na kondisyonngayon ang isang Filipina OFW sa United Arab Emirates dahil sa antibiotic reaction na umepekto  at naka-impeksyon sa kanyang katawan .

Ayon  sa report ngayon ng UAE-based site, isinugod si Lynn Credo del Rosario, 38, sa Iranian Hospital noong  Agosto 8, matapos na makaramdam ito ng malalang kondisyon matapos na makainom ng gamot para sa trangkaso na binili nito sa
isang pharmacy.

Sa naging diagnose ni Dr. Kiumars Bayat, specialist Internal Medicine sa  Iranian Hospital, nagkaroon ng severe case ng Stevens–Johnson Syndrome and Toxic Epidermal Necrolysis  si Del Rosario na isang  life-threatening skin condition  na umaapekto sa isa sa milyong-milyong tao.

“The hospital has received several cases of Stevens–Johnson syndrome in the last six months but they had less than 30 percent burns. This is the first time that we’ve seen such a severe case,” ayon kay Dr. Kiumars Bayat,  sa artikulong naka-post sa Gulf News ngayon araw.

Ayon pa sa report ng Gulf News, sa loob lamang ng 12 oras matapos na uminom ng antibiotics si del Rosario ay nagtamo na ito ng mga pagkasunog sa kanyang buong katawan  at lumala pa ito makalipas ng ilan pang oras.

“In a matter of days, the burns affected about 90 percent of her body,” ayon pa sa Gulf news.

“This disease affects the immune system and varies among patients because some people are more sensitive than others. Lynn is being treated as a burn victim and we have created a unit especially to prevent her from contracting any type of infection,” dagdag pa ni Dr.Bayat .

Gayunman, sinagot naman ang lahat ng gastosin ni del Rosario  sa kanyang pagpapagamot ng kanyang employer kung saan umabot na ito sa Dh70,000 o katumbas ng P812,000.

Upang makalikom naman ng karagdagang pondo para sa kanyang medical expenses ay nagkaroon na rin ito ng facebook page upang maipanawagan at maiparataing sa komunidad  ang kanyang kondisyon at pangangailangan.

loading...

About accounting

You must be logged in to post a comment Login

Leave a Reply