Nanampal ng traffic constable pormal nang kinasuhan

• Tweet

TATLONG prosecutors ang nakakita ng katibayan  para tuluyang makasuhan ng direct assault  ang opisyal ng Philip Morris Tobacco Corp. na nanampal ng isang traffic enforcer sa Quezon City .

Inirekomenda ni Asst. City Prosecutor Victorino Badua ang reklamong inihain ni traffic constable Saturnino Fabros ng MMDA laban kay Robert Blair Carabuena makaraang aprubahan  ni First assistant city prosecutor Meynardo Bautista at 2nd ACP Joel Atanacio, Division Chief II ang naturang kaso.

Samantalang inabsuwelto naman sa kaso  ang nakababatang kapatid nitong si  Benjamin.

Sa video footage na isinumiteng ebidensiya, nakitang umaawat lamang si Benjamin  sa kapatid habang sinusugod si Fabros.

“The charge against the other respondent (Benjamin) is recommended dismissed.”the prosecutor’s office’s two-page resolution read.

Inirekomenda nina Bautista, Atanacio at Badua  ang halagang  P12,000 na piyansa para sa pansamantalang kalayaan ni  Carabuena kaugnay sa kaso  nito na itinakda ang raffle sa Huwebes ng alas 2:00 ng hapon .

Nanatiling nakakalaya si  Carabuena at hindi pa rin nagsusumite ng kanilang ebidensiya para mapasinungalingan ang alegasyon ni Fabros.

Sa batas aniya sa ilalim ng Article 148 ng  Revised Penal Code, lumitaw aniya ang limang elemento ng  direct assault upang mapatunayan ang akusasyon ni Fabros laban kay Carabuena.

Nag-ugat ang kaso ng sitahin ni Fabros  si  Carabuena  habang sakay ng magarang  Volvo  (XCF-871) matapos tumawid sa red light sa panulukan ng  Capitol Hills Drive at Tandang Sora Avenue na nangyari noong  Aug. 11 ng hapon.

Sinasabing lumabas ng kanyang kotse si Carabuena bago sinigawan si  Fabros at dinuro-duro hanggang sa sampalin sa mukha bago umalis.

• Tweet

You must be logged in to post a comment Login