Full implementation ng bagong banal na misa sa Disyembre na

INIHAYAG ng Catholic Bishops’ Conference of the Philippines (CBCP) na sa Disyembre 2 na ang full implementation ng bagong bersyon ng banal na misa.

Nangangahulugan ito na sa nasabing petsa, na siya ring unang Linggo ng Advent, ay sisimulan nang gamitin ng lahat ng dioceses sa bansa ang bagong English version ng Lord’s Prayer.

Ayon sa CBCP, napagkasunduan ng mga obispo na i-adopt ang bagong English Translation ng Roman Missal sa idinaos na plenary assembly nito noong Enero 2011.

Pinagtibay naman ng CBCP ngayong taong ito ang desisyon para sa lubusang pagpapatupad ng bagong bersiyon ng banal na misa.

“In effect, what is contained in the said new English translation must be followed,” ayon sa isang liham ni CBCP president Archbishop Jose Palma, sa lahat ng diocese sa bansa.

Nabatid na sinimulan na rin ng mga diocese sa bansa ang kanilang catechesis sa mga revision ng Roman Missal nito pang Enero upang hindi mahirapan ang mga mananampalataya sa napakaraming pagbabago sa misa sa simbahan.

Nitong Pebrero naman ay sinimulan ng Archdiocese of Lingayen-Dagupan na gamitin ang bagong English version ng Lord’s Prayer habang unti-unti na ring ipinatutupad ng Archdiocese of Manila ang mga pagbabago simula nitong Hunyo.

loading...

About Thor

You must be logged in to post a comment Login

Leave a Reply