Pangasinan umaarangkada sa Batang Pinoy

DINOMINA ng mga taga Pangasinan athletics competition sa Nor­thern Luzon leg matapos kumolekta ng pitong gintong medalya sa Day 2 ng 2012 POC-PSC Batang Pinoy sa Narciso Ramos Sports Complex, Pangasinan kahapon.

Galing ang pitong gold medal kina Abigael Faith Castro (girls’ 13-under 200m dash), Isaac Ma­nibog (boys’ 13-under 200-meter dash), Jayson Toribio (boys’ 14-15 400m hurdles). Reuben Jacob (boys’ 13-under discuss throw), Jenny Ro­se Antonio (girls’ 14-15 javelin throw), Francis Marron (boys’ 13-under 400m hurdles) at Mark Conrad Manipon (boys’ 14-15 javelin throw).

Humarabas ng 28 gold, 32 silver at 23 bronze medals sa track and field ang Pangasinan habang kasunod ang Baguio City (21-9-8) at Candon, Ilocos Sur (1-7-13).

Nanungkit din ng pitong ginto ang Baguio City mula Agustina Anganayon (girls’ 14-15 3,000m run), Sisa Carunu­ngan (girls’ 13-under 2,000m run),Leah Taltala (girls’ 13-under triple jump), Kaizelle Vergara (girls’ 13-under 400m hurdles), Lilia Yatar (girls’ 14-15 400m hurdles), Precious Takinan (girls’ 14-15 triple jump) at Abegail Benalio (girls’ 13-under discuss throw).

Samantala, sa swimming event sa Dagupan Poolsite, dalawang gold ang idinagdag ni 11-year old si Jamleth Marie Villanueva ng Olongapo sa kanyang tatlong ginto na nauna niyang sinuksok.

Dalawang ginto rin ang kinolekta ni MC Tracy John Alindogan ng Angeles City sa boys’ 11-12 200m breaststroke (2:53.20) at sa 100m breaststroke (1:16.75).

loading...

About accounting

You must be logged in to post a comment Login

Leave a Reply