A glimpse of Philippines

PASAPORTE-BY-JR-LANGIT

‘Perlas ng Silangan’ kung ituring ang ating bansa. Sagana hindi lamang sa mga likas na yaman at magagandang tanawin, kundi maging sa kultura, tradisyon at kaugalian na minana pa natin mula sa ating mga ninuno. Sa kabila ng mga katangian na maari nating taas noong maipagmalaki marami tayong mga kababayang umaalis at nakikipagsapalaran sa ibang bayan upang doon hanapin ang kanilang kapalaran.

Isa si Paul Tan sa mga Filipinong sa ibang bansa isinilang at lumaki. Bagaman tubong Bicol ang kanyang ina, at ang kanyang ama ay isang Intsik na naninirahan sa Laguna, sa Estados Unidos na ipinanganak si Paul, sapagkat doon piniling mamalagi ng kanyang
mga magulang.

Ayon sa kanya, iilang beses pa lamang siyang nakabisita sa Pili-pinas at kalimitan doon ay noong maliliit pa silang magkakapatid. “Mga siguro 5 or 6 times na (akong nakapunta sa Pilipinas). Used to be nu’ng maliit ako. We used to go back maybe siguro every 2 years pero as I got older hindi na masyado, every so often na lang,” kwento niya.

Sa kaunting panahon at limitadong oras ng pagbisita ni Paul sa ating bansa, nasulyapan niya kung gaano kayaman at kaganda ang bansa at lahing kanyang pinagmulan. “Iba talaga ang buhay sa Philippines compared dito. Ang impression ko it’s very relaxing talaga. Seems like nobody is really in big hurry, everybody take their time. Dito sa US talagang work, work, work lahat e. Everybody’s usually in a hurry. Sa Philippines I always have a good time. I always enjoy because walang stress, I guess,” salaysay niya.

Naging saksi rin siya sa mataas na pagpapahalaga ng mga Pinoy sa kanilang pamilya. “I realize that everybody is so close du’n sa atin. Everybody lives closer to each other talaga. You know everybody visits each other once a week, yung personal relationship du’n sa atin very close. I realize na iba talaga dito sa States. Everybody here is very transient. Even family they don’t visit with each other very often. It is very different from the lifestyle sa Philippines,” dagdag na kwento pa niya.

Sa tulong din ng kanyang lolo at lola ay natutunan rin niya ang pagsasalita ng tagalog.
“Natutunan ko yung Tagalog from my grand-mother, my lola coz she spoke usually ‘yung tagalog lang,” aniya. Hindi lamang kultura ang nakakuha ng atensyon ni Paul kundi pati na rin ang mga pagkain na ipinagmamalaki ng ating bansa. “I like the seafood talagang fresh yung seafood satin. You know iba, the seafood tastes fresher, it has a very talagang distinctive yung flavor ng seafood dun. Very exotic ibang iba sa mga seafood dito sa
US.”

Hindi masama ang manirahan at makipamayan sa ibang bansa upang doon sumubok ng mas magandang kapalaran, subalit hindi natin kinakailangang maging dayuhan sa sariling bayan, sapagkat kung bibigyan lamang natin ng pagkakataon ang ating mga sarili na sulyapan ang yaman at kagandahan ng sarili nating bansa, ipagmamalaki natin sa buong mundo na tayo ay isang Pilipino.

*******

Sa iba pang istorya ng buhay ng ating mga kababayan over-seas, tumutok lamang sa Biyaheng Langit at Kasangga Mo Ang Langit sa IBC13 tuwing Huwebes, 11:30 ng gabi.

Bisitahin ang Facebook fan page: BIYAHENG LANGIT/KASANGGA MO ANG LANGIT.

loading...

About Gwenn

You must be logged in to post a comment Login

Leave a Reply