Amores umarangkada sa Batang Pinoy

NAGPARAMDAM agad ng tikas ang host Province ng humataw sina Jason Saavedra at Jelza Maey Amores sa lawn ten­nis singles event sa pagbubukas ng Philippine Olympic Committee-Philippine Sports Commis­sion Batang Pinoy 2012 Mindanao leg sa Dapitan City kahapon.

Pinalo ni Saavedra isang silver medalist sa Palarong Pambansa nakaraang taon, si Steve Mag­hanoy ng Zamboa­nga Sibugay, 8-3 upang makaabante sa second round ng boys singles.

Sampa sa semifinal round si Amores, kumuha ng bye sa first round, matapos gapiin si Kyla Kiezl Diaz ng Zamboanga City, 8-4, sa girls singles competition.

Makikipaghatawan si Amores kay Diadem Sasota ng Cotabato na nagposte ng 8-3 panalo kontra kay Franchette Faye Helar ng Zamboanga, Sibugay.

Maghaharap din sa semis sa girls singles sina Alliah Elline Ragunton ng Co­tabato na tinalo si top seeded Mary Rose Bael ng Dapitan City, 8-1, para makaharap niya si Rosuel Anne Binondo ng Davao del Norte na nagpatalsik kay Jed Vallie Rayne Aquino ng Davao del Norte, 8-6.

Nalaglag naman ang mga kakampi nina Saavedra at Amores na sina Jerry Bagabuyo, Rolly Elopre at Arnelo Gallemit sa kani-kanilang mga laro sa first round nang matalo kina Jeff Balatero ng Tangub City (8-2), Paul Chyrel Dandado ng Siocon (8-2) at Junel Canal ng Agusan del Sur (8-0), ayon sa pag­ka­ka­sunod.

Sa badminton, umabante sa second round si Art Villanueva ng Zamboanga matapos ang 21-11, 21-17 panalo kay Dapitan City bet Paul Tacbayan.

Ngayong araw uumpisahan ang mga labanan sa swimming competitions at field events sa athletics.

About Thor

You must be logged in to post a comment Login

Leave a Reply