Framework agreement hiniling na isalin sa lokal na lengguwahe

LUNGSOD ng Koronadal, South Cotabato – Hiniling ng mga magsasaka sa North Cotabato na kasapi ng Midsayap-Pigcawayan-Libungan-Kabuntalan o MPLK Federation of Irrigators Association na isalin sa lokal na lengguwahe ang mga nilalaman ng nilagdaang Framework Agreement.

Pahayag ng kanilang pamunuan na sa pamamagitan nito, ay mas madali umanong maiintindihan ang nilalaman ng naturang kasunduan.

Ito ang binigyang diin sa ginanap na peace forum noong Nobyembre 3 na dinaluhan ng aabot sa mahigit 100 mga magsasaka.

Aminado ang ilang mga magsasaka na medyo hirap silang intindihin ang ilang nilalaman ng framework deal dahil nakasulat ito sa wikang Ingles.

Sinabi ni MPLK President Dante Cudal na sana ay magpalabas ang gobyerno ng kopyang nakasulat sa lokal na pananalita tulad ng Cebuano, Hiligaynon, Muslim at Lumad upang mas madaling maintindihan ng mga mamamayan ang framework agreement.

Samantala, sisikapin naman umano ng tanggapan ni North Cotabato 1st District Cong. Jesus Sacdalan na ipa-abot ang kahilingang ito sa peace panels.

Kuagnay nito, nagsisikap ang pamunuan ng unang distrito na magkaroon ng angkop na interpretasyon at maipaliwanag sa mga mamamayan ang nilalaman ng pinirmahang kasunduan. (SJDuerme-PIA12/RRBautista-N.Cot. 1st Congressional District Office)

loading...

About Thor

You must be logged in to post a comment Login

Leave a Reply