Most wanted drug lord sa Baguio arestado

crime-fugitive

BUMAGSAK  sa  kamay  ng awtoridad  ang  isang negosyante  na  hinihinalang  most wanted drug leader sa  isinagawang  buy  bust  operation  nitong nakalipas  na  Nobyembre  12, 2012  sa  Baguio  City.

Kinilala ni PDEA Director General Undersecretary Arturo G. Cacdac, Jr.  ang  nadakip na suspek  na si  Arthur S. Nider, Sr., 53 years old, at residente ng no. 132 Sunny Side, Lower Fairview, Baguio City  at  No. 70 Simsim Compound, Maria Basa, Pacdal, Baguio City.

Ayon  kay  Cacdac, ang  suspek  na   si  Nider  ay  leader ng kilabot  na  Nider Drug Group at nasa  No. 1  na listahan ng  PDEA  Regional Order of Battle.

Sinabi pa  ng PDEA na nadakip  ang  suspek na si  Nider   sa  isinagawang   buy  bust  operation  matapos  pagbilhan  ng  dalawang  gramo  ng  shabu  ang isang  nagpangap na poseur buyer  ng  PDEA  na  nagkakahalaga  ng  P 12,000  sa  Purok 8, Apugan,  Upper  Irisan, Baguio City.

Nakumpiska kay  Nider ang isang cellular  phone, wallet na naglalaman  ng ATM  cards, marked  bills   na buy  bust  money at isang  sport  utility  vehicle.

Nahaharap  ang suspek  sa  kasong paglabag sa   Section 5 (Sale of Dangerous Drugs), Article II of Republic Act 9165, na mas kilala sa  Comprehensive Dangerous Drugs Act of 2002.

loading...

About Gwenn

You must be logged in to post a comment Login

Leave a Reply