NAPASOK at napagnakawan ng mga hindi pa kilalang suspek ang loob ng bahay ng ginang habang nasa kasarapan ng tulog ang huli sa Valenzuela City kaninang madaling araw, Nobyembre 3.

Aabot sa P200,000 halaga ng alahas at mga gamit ang natangay sa biktimang si Teresa Lugue, 61 ng Arty subd., Karuhatan ng lungsod.

Sa ulat, dakong alas-2 ng madaling araw, nagising ang ginang upang uminom ng gamot subalit pagbangon ay napansin nakakalat ang mga gamit sa loob ng kuwarto.

Nang tignan ang mga alahas ay wala na sa pinaglalagyan maging ang ibang gamit sa loob ng bahay.

Agad na nagsumbong sa mga pulis ang ginang kung saan iniimbestigahan na.