Imbestigasyon ng Kamara sa Aman scam simula na bukas

PAGLABAG sa anti-money laundering law ang isa sa hihimayin ng House Committee on Banks ang Financial Intermediaries laban sa Aman Futures Group.

Sisimulan ng Kamara ang imbestigasyon bukas (December 4, 2012 sa multi-bilyon pisong investment scam kung saan nasasangkot dito ang Aman Group.

Sinabi ni Leyte Rep. Sergio Apostol, chairman ng komite na sesentro ang kanilang imbestigasyon sa posibleng paglabag sa batas tulad ng Anti-Money Laundering Act ng nasabing kumpanya.

Ngunit paglilinaw ni Apostol na ang kanilang isasagawang imbestigasyon ay in aid of legislation hindi tulad ng ginagawa ng Department Of Justice (DOJ) na siyang nagsasagagawa ng premilinary investigation dahil sa pagsasampa ng kasong estafa ng mga biktima laban sa management ng Aman Group.

Ang pagtatakda ni Apostol ng pagdinig ay base na rin sa inihaing resolution ni Abante Mindanao Party list Rep. Maximo Rodriguez, Jr na nagnanais na malaman kung paano nagoyo ang 15,000 investors mula sa Visayas and Mindanao at makatangay ng P12 bilyon.

Dito aniya maisusulong kung ang gagawing imbestigasyon ay siyang magbubukas ng pagkakataon upang amyendahan ang kasalukuyang batas upang mapigilan na maulit ang katulad na panloloko sa hinaharap.

Kabilang sa mga batas na posibleng maamyendahan ay ang Republic Act 7653 (The New Central Bank Act), Republic Act 9160 (Anti-Money Laundering Act), at ang Republic Act 8799  o ang The Securities Regulation Code.

Nakatakdang paharapin ng komite sa pagdinig ang mga testigo ng DOJ.

loading...

About Thor

You must be logged in to post a comment Login

Leave a Reply