Kaso ng BuCor OIC, dinedma ni De Lima

De-Lima-4

DEDMA lang si Justice Secretary Leila de Lima sa kinakaharap na kaso sa Ombudsman ni dating NBI Deputy Director for Comptroller Services Rafael Ragos na kanyang itinalaga bilang pansamantalang pinuno o officer-in-charge o OIC ng Bureau of Corrections o BuCor.

Matatandaang si Ragos ay inakusahan nang hindi pagbabayad sa kontraktor ng Biometrics noong siya ay nanunungkulan pa bilang deputy director sa NBI.

Ipinagtanggol si Ragos ng kalihim at sinabi pa na hindi siya apektado sa asuntong isinampa laban sa dating NBI official.

Sa halip, iginiit ng kalihim na gusto lamang umanong wasakin ng ilang grupo si Ragos para mabalam ang pag-upo niya sa Bucor.

Si Ragos ay itinalaga ni de Lima bilang pansamantalang kapalit nang nagbitiw na BuCor director na si Manuel Co.

Batay sa reklamo, umaabot sa P14-M ang hindi binayaran ni Ragos sa serbisyo ng Realtime Data Management Services Inc. (RDMSI) sa NBI mula July 2012 hanggang September 2012.

loading...

About accounting

You must be logged in to post a comment Login

Leave a Reply