Konstruksyon ng gusali sa likod ng QC Hall pinahinto

PINAHINTO kanina ng  Quezon City Local Building Official ang  ilegal na  kostruksyon ng 33  palapag  na gusali  ng Capitol Plaza condominium  na pag-aari  ng  business tycoon na  si Andrew  Tan.

Sa  cease and  desist order na ipinalabas  ng  QC Local  Building Official, ipinag-utos  ni Mayor  Herbert  Bautista  na  ipahinto  ang  konstruksyon ng naturang  gusali.

Ayon  kay  QC Local Building  Official  Isagani  Verzosa  Jr. matapos ang   serye  ng mga hearing, nabatid  na  ang  patuloy  na konstruksyon  ng  naturang   condominium complex  na  matatagpuan  sa kanto ng  Matalino  Street  at  Matatag  Extension , Brgy.  Central  na  nasa  likod  lamang ng Quezon City  Hall complex   ay  lumabag  sa  Sec. 301 ng  National  Building  Code  (Presidential Decree  1096).

Sinabi  ni Verzosa  na ang naturang  hakbang ay  bunga  ng  patuloy  ng  konstruksyon sa  naturang   gusali  sa  kabila ng  pagpapalabas  ng  cease  and desist order  ng  lokal  na  pamahalaan.

Ayon sa  record, ang  building  permit  ng  Capitol  Plaza   condominium   building   ay  inisyu  pa nitong  nakalipas  na  1997  subalit  napaso  ito  matapos  ang  may-ari  ng naturang  istraktura   ay  nagpalit.  Ang  naturang gusali  ay  tinatayang  nasa   P 165 milyong halaga.

Inirereklamo  sa  Quezon  City government  ang mga bumabagsak  na  mga  tipak ng  semento at  bato  na  nahuhulog sa naturang  gusali.

Kaugnay  nito  dalawang  opisyal  ng ginagawang Capitol Plaza  condominium  ang  inaresto  ng  mga  tauhan  ng  QC Building  Official ,  Quezon City Police  District  at   QC  Department  of  Public Order  and  Safety   na  sina  Engr. Alvin   Tercio  at  Albert  Adesa   dahil  sa  paglabag  sa    Building Code.

loading...

About Gwenn

You must be logged in to post a comment Login

Leave a Reply