Depositors na kasabwat ng Legacy, kinasuhan sa DoJ

pdic

KINASUHAN ng estafa ng Philippine Deposit Insurance Corporation (PDIC) sa Department of Justice (DOJ) ang 88 depositors dahil sa pakikipagsabwatan na nagresulta sa pagkawala
ng P97.73-M ang pamahalaan.

Sa complaint ng PDIC, napatunayan na sa ginawang imbestigasyon, ang mag-asawang Manu at Champa Gidwani kasama ang 86 iba pang depositors ay nagpakilalang insured depositors ng iba’t ibang closed Legacy banks.

Napatunayan din na ang grupo ni Gidwani ay nagsabwatan sa pagpalsipika ng commercial and official documents.

“The fraudulent scheme, referred to as deposit insurance fraud, involved the respondents’  acts of misrepresenting themselves to be the owners of certain deposits; filing claims for deposit insurance and; receiving deposit insurance payments from the PDIC when they are not the true owners of the said deposit accounts maintained with the Legacy banks”, base sa complaint.

Nabatid na ang Legacy banks  ay grupo ng 12 affiliated banks sa iba’t ibang lugar sa bansa ang sabay-sabay na ipinasara ng Monetary Board noong December 2008  na dito ay P12-B ang pinalabas ng PDIC Deposit Insurance Fund bilang deposit insurance payments.

Isa pang Legacy bank, ang Rural Bank of Polangui sa Albay, ay pinasara noong February 26, 2010.

Ito ang itinuturing na pinakamalaking financial scam sa banking system.

Napag-alaman na ang deposit insurance fraud ay nagawa  sa isang sangay ng bangko sa Visayas region na tumanggap ng 683 “crossed checks” na inisyu  ng PDIC bilang deposit insurance payments sa 86 na katao na nagpakilalang nagmamay-ari ng accounts sa  iba’t ibang sangay ng Legacy bank kasabwat ang mag-asawang Manu and Champa Gidwani.

Nabatid na pumayag ang bank na ideposito sa single account  ang “crossed checks” sa kabila ng ispesipikong  kautusan na  ang cheque ay para lamang sa “For Payees Account Only.”

Sa ilalim ng Republic Act No. 8791 o ang  General Banking Law, ang kabiguan ng isang banko na tumalima sa mga babala at paalala  ng nasasakop na ahensiya o awtoridad  ay maituturing na mapanganib sa negosyo.

Ang mga accounts umano ay binuksan at pinopondohan  sa pamamagitan ng checks na iniisyu ng isang tao lamang sa pamamagitan ng fund transfers mula sa single account.

Natuklasan din na 10 sa respondents na nagpasok ng pinagsamang P20.96-M ay mga trabahador o katulong ng mag-asawang Gidwani.

Maaari ring magsampa ng kaso ang PDIC  laban sa mga partidong  umaabuso deposit insurance scheme para sa kanilang  personal na interes.

loading...

About Gwenn

You must be logged in to post a comment Login

Leave a Reply