DOJ handang maghabol sa nakaw-na-yaman ng pamilya Marcos

DOJ

NAKAHANDA ang Department of Justice na kunin ang responsibilidad hinggil sa paghahabol sa umano’y ill-gotten wealth ng pamilya Marcos.

Pero agad nilinaw ni Justice Secretary Leila de Lima sa isang ambush interview na wala pa siyang natatanggap na pasabi mula sa Malakanyang hinggil sa abolition ng Presidential Commission on Good Government o PCGG.

Sakaling mangyari ito, sinabi ng kalihim na agad niyang ipag-uutos ang pag-iimbentaryo ng mga kaso upang malaman kung saan nagkaroon ng pagkukulang sa paghahabol at kung alin ang mga dapat na ipagpatuloy o iuurong na.

Pag-aaralan din ng DOJ kung kailangang magtayo ng unit sa loob ng kagawaran na siyang kukuha sa trabaho ng PCGG.

Una nang inihayag ni PCGG Chairman Andres Bautista sa isang panayam na inirekomenda niya kay Pangulong Benigno Aquino na tatapusin na nila ang kanilang trabaho at ilipat na lang ito sa DoJ.

Katwiran ni Chairman Bautista, hindi sapat ang pondo ng gobyerno sa paghahabol sa umano’y ill-gotten wealth dahil ito’y nagtitipid na at nakabalik na rin sa kapangyarihan ang Marcoses.

loading...

About accounting

You must be logged in to post a comment Login

Leave a Reply