Pagbibitiw ng 2 obispo, tinanggap ng Santo Papa

DALAWANG Obispo ng Simbahang Katoliko ang nagbitiw sa pwesto, ayon sa Catholic Bishops’ Conference of the Philippines (CBCP).

Ayon sa media office ng CBCP, ipinabatid na rin sa kanila ni Archbishop Giuseppe Pinto, Apostolic Nuncio ng Vatican sa Pilipinas, na tinanggap na ni Pope Benedict XVI ang resignasyon nina Caloocan Bishop Deogracias Iñiquez at ni San Pablo, Laguna Bishop Leo Drona.

Nabatid na parehong nagdesisyon ang dalawang Obispo na magbitiw sa pwesto ng mas maaga sa retirement age ng mga bishops na 75 taong gulang.

Si Iñiguez ay 72-anyos pa lamang habang si Drona naman ay 71-taong gulang.

Sinabi naman ng CBCP na ang pagbibitiw ng maaga sa pwesto ng dalawa ay salig sa Canon 401, paragraph 2 ng Code of Canon Law na nagsasaad na ang isang diocesan bishop na hindi na kaya pang manungkulan dahil sa karamdaman o iba pang kadahilanan ay maaaring maghain ng kanilang resignasyon.

Si Iñiguez ang naging Obispo ng Caloocan Diocese simula nang maitatag ito noon pang Agosto 2003.

Isa siya sa mga kilalang Obispo sa bansa dahil madalas itong mahingian ng opinyon sa ilang social issues, bilang chairman ng CBCP-Episcopal Commission on Public Affairs.

Samantala, si Drona naman ang ikatlong Obispo ng San Pablo at naitalaga sa naturang pwesto noong Mayo 14, 2004.

Papalitan siya sa pwesto ni Bishop Buenaventura Famadico ng Diocese of Gumaca sa Quezon Province.


Leave a Reply

*
nyaahahahah tulad nitong si 'kapay' nangopya lang...
nyahahah ay korek ka pero dapat mong pagtawanan n...
sa mga kapamilya KUPS ipag dasal ninyo ang matagum...
Wala naman kaming pakialam kung ginaya lang ang TL...
yuhooo mga kapamilya KUPS hahahah anyare na kay E...
nyahahaha tinipid nga eh hahahahah,,,,minadali pa...
nyahahahah Trending ang nagiisang produce ng katol...
ohhh may fucking abshit cibuyas hahahahah may nag...
nyahahahahaha carmela 23 percent ikaw lamang 21 ...
nako, sa lahat ng telebabad sa Dos, yan ang inuuna...

BREAKING NEWS


© 2010 Remate | Ang Dyaryo ng Masa. All Rights Reserved.