Trillanes kinumpirmang tumanggap ng P250K kay JPE

trillanes2

INAMIN ni Senador Antonio Trillanes IV na tumanggap siya ng halagang P250,000 mula kay Senate President Juan Ponce Enrile noong nakaraang Disyembre bilang “Christmas gift.”

“I confirm that my office received a check of P250,000.00 from the office of the senate president last December,” ayon kay Trillanes sa text messages.

Ngunit, ayon kay Trillanes, hindi niya nilustay ang salapi sa pansariling interes bagkus ginamit ito upang pondohan ang relief operations sa biktima ng bagyong Pablo sa Northern Mindanao.

“My office used (the money) too fund relief operations to the areas affected by typhoon Pablo in northern Mindanao,” paliwanag ni Trillanes.

Naunang napaulat na namahagi si Enrile ng tig-P1.6 milyon sa 18 senador, ngunit hindi kasali dito sina Trillanes, Senate Minority Leader Alan Peter Cayetano at kapatid nitong si Pia Cayetano kabilang si Sen. Miriam Defensor-Santiago. Tanging P250,000 lamang ang tinanggap nila.

Pinabulaanan naman ni Trillanes na “cash gift” ni Enrile ang naturang pondo.

“It was not given in cash and was not specified as a Christmas gift,” ayon sa senador.

Kabilang sa tumanggap ng tig-P1.6 milyon kay Enrile sina Senate President Pro Tempore Jose “Jinggoy” Estrada, Majority Leader Vicente Sotto III. Kabilang din sina Senators Edgardo Angara, Joker Arroyo,  Franklin Drilon, Francis Escudero, Teofisto Guingona III, Gregorio Honasan, Lito Lapid, Loren Legarda, Panfilo Lacson,  Ferdinand “Bongbong” Marcos Jr, Sergio Osmeña III,  Jr., Francis Pangilinan, Aquilino Pimentel III, Ramon Revilla, Ralph Recto at Manuel Villar.

Hindi naman nagbigay si Enrile sa kanyang sarili.

loading...

About Thor

You must be logged in to post a comment Login

Leave a Reply