2 opisyal ng PNP sinibak, 9 suspendido

conchita-morales

SINIBAK sa serbisyo ni Ombudsman Conchita Carpio-Morales ang dalawang opisyal ng  Philippine National Police (PNP) habang sinuspinde ang siyam na iba pa dahilan sa umano’y maanomalyang pagbili ng 75 defective rubber boats na nagkakahalaga ng P131.5 million  kaugnay  ng bagyong Ondoy at Pepeng nitong  nakalipas na 2008.

Sa 118-pahinang desisyon na nilagdaan ni Ombudsman Morales  napatunayang nagkasala sina C/Supt. Herold Ubalde at Deputy Director General Benjamin Belarmino,Jr. sa kasong gross neglect of duty at grave misconduct at hindi rin makakatanggap ng  retirement benefits at pagka diskuwalipika na humawak ng alinmang puwesto sa gobyerno .

Kasabay nito, sinuspinde naman ng Ombudsman sa serbisyo ng anim na buwan  sina  Police Dir. George Piano,Chief Supt.Luis Saligumba, Senior Supt.Job Nolan Antonio at Senior Supt. Edgar Paatan, pawang miembro ng  PNP’s Inspection and Acceptance Committee matapos mapatunayang nagpabaya sa tungkulin kaugnay ng naturang isyu.

Isang buwan namang suspendido ng walang sahod sina Joel CL Garcia alyas Joel Crisostomo De Leon Garcia, Ronald Lee, Ma. Linda Padojinog, at NUP Ruben Gongona, pawang miembro ng  PNP National Headquarters Bids and Awards Committee and Technical Working Group .

Pinayuhan naman ni Morales si National Police Commission (Napolcom) Director Conrado Sumanga Jr. na gawin ng mabuti ang trabaho bilang miembro ng  Oversight Committee and Acting Service Chief of the Installations and Logistic Service upang walang mailapat ditong kaparusahan kaugnay ng isyu.

Ang kaso ay nag ugat sa reklamo noong November 15, 2011 at February 17, 2012 na naisampa ng tanggapan ng Deputy Ombudsman for the Military and Other Law Enforcement Offices’ Fact-Finding Bureau (FFIB-MOLEO).

Lumabas sa records na ang  PNP ay bumili ng 75 rubber boats at 18 spare engines o outboard motors para gamitin ng PNP Maritime Group bilang bahagi ng PNP’s Annual Procurement Plan noong  2008 sa ilalim ng  Capability Enhancement Program Funds pero nang maideliver ang naturang mga equipments, nadiskubre ng  PNP Maritime Group’s Technical Inspection Committee on Watercrafts na depektibo  ang mga  equipments at delikadong gamitin bukod sa ang iba ay di gumagana.

Hindi naman kasama sa naparusahan ng Ombudsman si dating PNP Chief  Jesus Verzosa at 18 iba pa dahil sa kawalan nila ng hurisdiksiyon sa kaso dahil nakapag retire na ang mga ito sa serbisyo bago naisampa ang kaso at ang iba naman ay walang sapat na ebedensiya pra madiin sila sa kaso.

loading...

About accounting

You must be logged in to post a comment Login

Leave a Reply