Ethel Booba, Ate Gay sinabon ni Willie Boy

willie-revillame

KAABANG-ABANG mamaya ang episode ng “Wowowilie” sa Kapatid network (TV5).

Mamaya ay malalaman natin kung magre-resign (o nag-resign), titigbakin, sususpindehin o tuloy pa sa naturang show ang mga komedyanteng host na sina Ethel Booba at Ate Gay.

Ang dalawa ay napagalitan ni Willie Revillame, main host, producer ng naturang show.

Sa episode kahapon (Pebrero 28) ay napalitan ng lungkot ang masayang atmosphere sa noontime show nang pagalitan ni Willie ang dalawang komedyante on air.

Sa segment na “Tutok To Win” ay pinahinto ni Willie si Mariel Rodriguez (host ng naturang segment) at sinabi na mayroon siyang gustong sabihin kaugnay sa nangyari earlier na “pikunan” sa pagitan niya at nina Ethel at Ate Gay sa isa pang segment na “Mini Concierto” at sa dressing after nito.

Ang Mini Concierto ay segment ng noontime show kung saan ipinapakita ng mga co-host na sina Ethel, Ate Gay, Anna Feliciano, Arci Muñoz, at Ava Jugueta ang kanilang talento sa singing and dancing.

Ngunit nagkaroon ng biruan na hindi alam ni Willie ay tinake seriously nina Ethel at Ate Gay.

Sa Mini Concierto ay nanalo si Anna Feliciano at biniro ni Willie na ginagaya lamang ni Ethel si Anne Curtis, partikular ang kontrobersyal na outfit nito sa birthday celebration sa ASAP18 noong nakalipas na Sunday.

“Style ba ‘yan? Ginagaya mo lang si Anne Curtis, e. Wala, ginagaya lang si Anne Curtis.

Ayon kay Wille, na ang prod ni Anne sa ASAP ay may shower at sinabi na hindi iyon kayang gayahin ng komedyana.

Depensa naman ni Ethel na “Ano ito? Bakit mo kami ikinu-compare doon? We’re talking about talent, not singit. Come on!”

Ang naturang sagot ni Ethel sa ani Willie ay biro niya ay umani ng batikos sa mga follower at supporters ni Anne sa Twitter.

Ayon kay Willie, nagalit sa kanya sina Ethel at Ate Gay noong nasa dressing room sila after ng Mini Concierto segment.

Sinigawan umano siya ni Ethel kaya hindi niya napigilang magsalita on air at isiniwalat ang nangyari off-cam sa pagitan nila ni Ethel at Ate Gay.

Ayon kay Willie, malaki na ang ulo nina Ethel at Ate Gay samantalang siya umano ang nagbigay ng break sa mga ito.

Narito ang ilang pahayag ni Willie:

“Lahat ng ito ay biruan lang. Marami raw ang nagagalit sa kanya (Ethel).

“Sa mga nagto-tweet kay Ethel, biniro ko lang siya about Anne Curtis. Huwag kayong magalit sa kanya.

“Itong lahat ng ito ay katuwaan lang. Di ba’t pinapasaya namin kayo?”

Patungkol ni Willie sa pagsigaw ni Ethel sa kanya: “You don’t do that to me dahil, ako, binibigyan ko kayo ng lahat ng pagkakataon sa buhay.

“I am the producer, I am the host. Ako ang nag-iisip ng ikagaganda.

“Ang iniisip ko dito, publiko, hindi kayo.

“Ngayon, natalo lang sa costume, nagagalit kayo?

“If you want to resign right now, go! Hindi ko kayo pipigilan.

“You don’t do that, mag-respeto kayo.

Sinabi rin ni Willie na nasa baba si Ethel at kanya umano itong inaangat. Habang binibigyan naman aniya ng break si Ate Gay,

“Magkaroon kayo ng utang na loob.

“Kaya ko ginagawa yung… hindi n’yo ba napapansin, nasa likod lang ako?

“Bina-back-up-an ko lang kayo dahil kayo ang gusto kong umangat dito. Tapos ganyan ang ginagawa n’yo?

“Magkaroon kayo at tumingin kung saan kayo nanggaling. Huwag kayong umangat.

“Huwag kayong masilaw at huwag kayong malunod sa sigaw at palakpak ng tao sa isang kanta.

“Tandaan n’yo ito. Hindi ganyan ang pagsikat sa mundo.

“Too much.”

Abangan natin mamaya ang episode ng Wowowillie.

About Thor

You must be logged in to post a comment Login

Leave a Reply