Priority legislative agenda ni PNoy, ihahayag sa SONA

IPINANGAKO ni Pangulong Benigno Aquino III na ihahayag niya ang kanyang priority legislative agenda para sa 16th Congress sa nalalapit na State of the Nation Address (SONA).

Sa isang panayam, sinabi ng Chief Executive na makabubuting abangan na lang ng publiko ang kanyang mga sasabihin sa kanyang SONA.

Ayon kay Presidential spokesman Edwin Lacierda, kasalukuyan nang tina-track ng mga Cabinet Secretaries ang kanilang mga accomplishment para sa isang buong taon na isasama sa SONA na ihahayag ng Chief Executive sa Hulyo.

Ang Presidential Management Staff (PMS) naman aniya ang tumutunton ng mga pangakong binitiwan ni Pangulong Aquino noong nakaraang SONA para kumpra ngayon.

“The President already had meetings with the Cabinet and also with the speechwriters. And, according to Undersecretary Manolo Quezon, they are already in their second revision of the outline pa lang—outline pa lang ng SONA,” ani Pangulong Aquino.

Wala namang ideya si Lacierda kung ang magiging “highlight” ni Pangulong Aquino sa kanyang SONA ay ang usapin ng ekonomiya.

“Well, kasama po ‘yan sa accomplishment. Right now, the Office of the Cabinet Secretary is tracking all the accomplishments of the different agencies. But, in the meantime, nandoon pa tayo sa discussion stage ng outline ng SONA. Wala pa yung draft ng speech,” ani Lacierda.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>