Bus ban, ipinatupad ngayong araw sa Maynila

SIMULA nang ipinatupad sa lungsod ng Maynila ang bus ban.

Partikular namang pinagbabawalang bumiyahe sa Maynila ang mga bus mula sa Quezon City na walang terminal sa lungsod.

Pinangunahan naman ni Manila Mayor Joseph Estrada at mga tauhan ng Manila Traffic ang pagharang sa mga bus na pumapasok sa lungsod.

Ilan sa mga bus naman ang napilitang magbaba ng kanilang mga pasahero sa Mabuhay Rotonda dahil wala silang terminal sa lungsod.

Kabilang sa mga terminal sa lungsod ay ang Park-and-Ride na matatagpuan sa Lawton, Maynila.

Sinasabing nagdudulot ng mabigat na daloy ng trapiko ang mga bus na dumaraan sa lungsod kaya naman gumawa ng ordinansa ang pamahalaang lungsod ng Maynila na nagbabawal sa pagpasok ng bus yung mga walang terminal.

Nagdulot naman ng bahagyang trapik sa kahabaan ng Taft Avenue kaninang umaga na ginawang pansamantalang paradahan o terminal ng mga bus.

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>