Ate Koring, nagbabu na sa ABS-CBN

NAGSIMULA ang problema ni Korina Sanchez nang tilad-tilarin nito sa kanyang programa sa radyo ang CNN anchor na si Anderson Cooper dahil sa report nitong napakabagal daw ng Philippine government sa pagtulong sa mga naging biktima ni typhoon Yolanda sa Tacloban at iba pang parte ng Visayas.

Alam nating hindi lamang ang gobyerno ang pinagtanggol ni Ate Koring kundi maging ang kanyang mister na si DILG Secretary Mar Roxas na tinamaan din sa pagpuna ni Cooper. Eh, sumobra sa katatalak ang magaling na news anchor kaya pinarusahan siya ng management. Pero pinalabas nitong nagbakasyon lang siya. At nito ngang nakaraang Huwebes ay pormal na pala itong nagpaalam sa DZMM sa kanyang radio show na Rated Korina effective January 3, maging sa Rated K at TV Patrol ay mawawala na rin daw ito.

Ang pag-resign ni Korina ay kinumpirma naman ni Amy Perez sa kanyang Twitter account, at idinagdag pa nitong simula sa Lunes, Enero 6, ay
magte-take-over na siya kasama si Marc Logan sa 10:00am timeslot na iniwan ng kontrobersyal na personalidad.

Nakatutuwa dahil matapos layasan ni Amy ang DZMM dahil sa kanyang mga hinanakit umano, muli siyang ibinalik ng istasyon kahit hindi niya hiningi. Positibo rin ang nadirinig naming mga reaksyon mula sa mga tagapakinig ng radyo.
Mas better daw si Amy dahil wala itong sumpong, walang over-acting sa nakatarayan at hindi siya nagpi-feeling know-it-all.

As usual, depensa naman ni Madam Korina sa kanyang paglayas, tatapusin daw nito ang kanyang masteral degree sa London. Kung kailan nagkaedad, ngayon pa lamang niya naisipang magpakadalubhasa sa kursong kinuha.

***
Mga bira ni Lourd de Vera kay Vic Sotto, idinaan sa biro kuno

BAGAMA’T binibira ni Lourd de Vera si Vic Sotto at kulang na lang ay sabihin nitong basura ang “My Little Bossings” sa ipinost nitong letter-slash-film review sa Spot.ph, napaka-entertaining at witty naman ang pagkakasulat nito, hindi halatang negatibo para sa pelikulang punom-puno ng komersyal.

Ito ang parte ng kanyang rebyu:
“Alam kong hindi madaling gumawa ng pelikula. At mas accurate: alam kong hindi madaling mag-produce. At ikaw mismo bilang producer na nagpapatakbo ng isang kompanya, isanlibo’t isa ang mga konsiderasyon. Naiintindihan ko na negosyo pa rin ’yan. At hindi lingid sa akin ang maraming hamon sa bawat proyekto (’Yan minsan ang hindi naiintindihan ng ilang kritiko—porke’t walang slum area at handheld camera at Joel Torre o Ronnie Lazaro sa pelikula, basura sa kanila).

“Tingin ko naman ay puwedeng gumawa ng pelikulang nakaaaliw at pipilahan ng buong pamilya—na hindi sinasakripisyo ang kalidad ng kuwento. Ang tagal mo nang kumikita, bossing. Malaki-laki na rin ang naibigay sa iyo ng taumbayan. Oras na siguro para sila ay suklian. Magbalik ka naman. To whom much is given, much is required, ika nga ng Bibliya.”

Sana tamaan naman si Vic sa mga pasaring na ito ni Lourd. Tutal e, matanda na s’ya, gumawa naman siya ng pelikula para sa mga may edad. Magsakripisyo naman siya. Hindi ‘yung puro kita na lang ang iniisip. Bigyan n’ya rin ang mga bata ng panooring matututo sila, hindi ‘yung puro kabulastugan na lang.

***
“ASAP 19,” MAY WORLD-CLASS NEW YEAR PARTY SA LINGGO

SASALUBUNGIN ng “ASAP 19” ang taong 2014 na hitik na hitik sa world-class performances at production numbers ngayong Linggo (Enero 5) bilang selebrasyon ng ika-19 ng anibersaryo ng longest-running, top-rating, at trending musical variety show ng ABS-CBN.

Bukod sa mga unang pasabog ng “ASAP 19,” isang engrandeng
all-star celebration din ang inihanda ng ASAP Kapamilya para sa ika-35 taon sa showbiz ng broadway diva na si Lea Salonga, kasama ang mga miyembro ng
ABS-CBN Philharmonic Orchestra.
Kilig at katatawanan naman ang ipararamdam sa TV viewers sa back-to-back na sorpresang inihanda ng cast ng upcoming romantic-comedy sitcom ng ABS-CBN na “Home Sweetie Home” na pangungunahan nina John Lloyd Cruz at Toni Gonzaga; at lead stars ng unang pelikula ng Star Cinema ngayong 2014 na “Bride For Rent” na sina Kim Chiu at Xian Lim.

Maghandang mamangha sa natatanging ganda at talento ng mga Pinay sa production number nina Miss Universe 2013 3rd runner-up Ariella Arida, Miss Supranational 2013 Mutya Datul, at Miss International 2014 Bea Rose Santiago.

Mapapatili naman ang mga kababaihan sa special New Year treat ng Kapamilya heartthrobs na sina Piolo Pascual, Gerald Anderson, Jericho Rosales, at Jake Cuenca; at sa hindi dapat palampasing performance ng ASAP boy group na ‘Gimme 5’ na binubuo nina Nash Aguas, Brace Arquiza, Joaquin Reyes, John Bermundo, at Grae Fernandez.

Samantala, magle-level up ang hatawan sa “ASAP 19” dance floor sa pagbabalik ng supah hot clash dance segment nina Maja Salvador at Shaina Magdayao na ‘MASH;’ na susundan ng makapigil-hiningang Supahdance showcase nina Cristine Reyes, Kim Chiu, Jessy Mendiola, Nikki Gil, Iya Villania, Karylle, John Prats, Rayver Cruz, Bugoy Cariño, at Brenna Garcia, kasama ang hip-hop dance group na Philippine All Stars.

Tunghayan din ngayong Linggo ang makatindig-balahibong concert experience na ihahatid nina Gary Valenciano, Martin Nievera, Charice, Erik Santos, Jed Madela, KZ Tandingan, Richard Poon, Abra, Kean Cipriano, Princess, Janice Javier, at Radha; ang astig na rock performance nina Bamboo, Yeng Constantino, at Tutti Caringal; at ang
makalaglag-pangang ‘voice’ showdown nina Angeline Quinto, Morisette Amon, at Klarisse de Guzman.

***

For comments, suggestions & news feed, text me at 09234703506/09074582883 or email at kuya_abepaul@yahoo.com. Please listen to DWIZ’s Star na Star program from 2-3 p.m, Monday to Friday. Mabalos!

loading...

About Girlie

You must be logged in to post a comment Login

Leave a Reply