2 salvage victim ikinalat sa QC

crime10

DALAWANG salvage victim ang itinapon sa Brgy. Bahay Toro, Quezon City kaninang madaling-araw, Pebrero 9, 2014.

Inilarawan ang mga biktima na tinatayang 35 hanggang 40-anyos, kayumanggi ang balat, naka-suot ng t-shirt at maong pants, habang ang isa ay 30 hanggang 40-anyos, kayumanggi ang balat at maiksi ang buhok.

Ayon kay SPO1 Edwin dela Cruz ng Quezon City Police District station 3 Talipapa, natagpuan ang bangkay ng mga biktima sa kahabaan ng Fema Road, Brgy. Bahay Toro, QC ala-1:15 ng madaling-araw.

Sinabi sa ulat na isang tawag ang natanggap ng Barangay Police Security Officer (BPSO) Jose Yaquit sa Brgy. hall ng Barangay Bahay Toro dahil sa natagpuang dalawang bangkay sa lugar.

Matapos magtungo sa lugar bumungad sa mga brgy. tanod ang bangkay ng dalawang hindi pa kilalang lalaki na nakabulagta at tadtad ng tama ng bala sa katawan.

Inaalam na ngayon ng mga awtoridad ang pagkakakilanlan ng mga biktima.

About Girlie

Leave a Reply

Your email address will not be published. Required fields are marked *

You may use these HTML tags and attributes: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>