Light truck ban sa EDSA, Shaw Blvd. simula na

SIMULA na ngayong araw, March 20, ang pagpapatupad ng Metropolitan Manila Development Authority (MMDA) ng pababawal sa mga light truck sa pagdaan sa Epifanio delos Santos (EDSA), mula Magallanes hanggang North Ave. at Shaw Blvd. tuwing rush hour.

Sa ilalim ng uniform light truck ban policy, ang mga trak na may gross capacity weight na 4,500 kilograms pababa ay bawal dumaan sa EDSA-southbound mula 6 a.m. hanggang 10 a.m. para maibsan ang bigat ng daloy ng trapiko tuwing rush hour sa umaga at mula 5 p.m. hanggang 10 p.m. sa EDSA northbound kung saan karamihan ng mga tao ay pauwi na.

Bawal din dumaan sa Shaw Blvd. ang mga light truck sa magkabilang direksyon tuwing rush hour sa mga oras na 6 a.m. – 10 a.m. at 5 p.m. – 10 p.m.

Bago nito, nauna nang nagsagawa ng three-day trial run ang MMDA kung saan binigyan lang ng warning ng mga traffic enforcer ang mga driver.

Ayon naman kay MMDA chairman officer-in-charge Tim Orbos, hindi naman kasama sa ban ang mga light truck na may dalang mga perishable goods pero kinakailangan ng mga ito na mag-apply para sa exemption.

Hindi rin kasama sa ban ang mga government at emergency vehicles tulad ng mga fire truck at ambulansya.

Ipatutupad ang naturang ban mula Lunes – Sabado maliban tuwing Linggo at holiday hanggang June 15. JOHNNY ARASGA

About Gilbert

You must be logged in to post a comment Login

Leave a Reply