Pulubi nagpaluray sa tren

NAGPASAGASA sa tren ng Philippine National Railways (PNR) ang isang pulubi sa Tondo, Maynila kaninang umaga.

Nagkalasug-lasog ang katawan ng biktimang kinilala lang sa alyas na ‘Antonino,’ walang tiyak na tirahan matapos masagasaan at makaladkad ng tren nang may 50 metro.

Sa report ng Manila Police District (MPD)-Station 7, dakong 8:10 ng umaga nang dumapa sa riles ng tren, sa area ng Tayuman St. at Dagupan Extn. sa Tondo ang biktima upang magpakamatay.

Sa salaysay ng testigong si Jonjon Sevilla, 36, dating barangay kagawad sa lugar, bago ang pagpapakamatay ay matagal nang nakatayo sa harapan ng crossing cabin ang biktima paharap sa riles na tila may hinihintay.

Nang dumating tren na Metro South Commuters, at may body number na MSC-807, ay bigla na lang itong dumapa sa riles.

“Hinintay niya talaga bale ‘yung pagdaaan ng tren. Saka siya dumapa,” ayon naman sa testigong si Ramil Malkaida.

Sa kwento naman ni CJ Neri, estudyante ng University of the Philippines (UP) Manila, nakapanayam pa nila noong Martes ang biktima para sa kanilang school project at nakitaan nila ito ng mga senyales ng depresyon dahil sa problema sa pamilya.

Ito ngayon ang tinitingnan dahilan ng pulisya kung bakit nagawang mag-suicide ng biktima. JOCELYN TABANGCURA-DOMENDEN

About Gilbert

You must be logged in to post a comment Login

Leave a Reply