3 OFW sa Saipan, tepok sa toxic gas

TEPOK ang tatlong overseas Filipino worker (OFW) sa Saipan matapos makalanghap ng toxic fumes sa septic tank.

Kinilala ng mga awtoridad ang dalawa sa mga biktima na sina Amid Tapon, 41, at Ricky Quijano, 47, kapwa empleyado ng USA Fanther Corporation.

Ayon sa report ng Department of Fire and Emergency Medical Services ng Saipan, nangyari ang insidente nang pumasok si Quijano sa 24 na talampakang lalim ng septic tank kung saan ito nawalan ng malay at tinangka namang sagipin ni Tapon at isa pang OFW na kalauna’y nawalan din ng malay.

Hindi na umabot nang buhay ang tatlong OFW nang isinugod sa ospital matapos makuha ang mga ito sa septic tank.

Inako ng employer ang lahat ng gastusin maging ang pagpapalibing sa mga biktima.

Makatatanggap naman mula sa Overseas Workers Welfare Administration (OWWA) ng tig-P200,000.00 ang pamilya ng mga nasabing OFW bukod pa sa education assistance sa kanilang mga anak. JOHNNY ARASGA

About Gilbert

You must be logged in to post a comment Login

Leave a Reply