Cum laude binaunan ng bala sa ulo, malubha

AGAW-BUHAY ngayon ang isang working student na dalaga na kandidato pa sa pagka-cum laude matapos barilin ng hindi nakilalang suspek sa Otek St., Baguio City kahapon, July 6.

Kinilala ang biktimang si Jenalyn Rosimo, 21, service crew ng isang hotel sa Baguio City, at taga-Poblacion, La Trinidad, Benguet.

Sa imbestigasyon, ayon sa kapatid ng biktima na si Rebecca Rosimo, hanggang sa ngayon ay nasa kritikal na kondisyon pa rin ang kanyang kapatid dahil sa tama ng bala sa ulo.

Paralyzed din ang kalahating katawan ng biktima dahil sa tingga ng bala na bumaon sa ulo nito.

Bago ito, naglalakad ang biktima sa Otek St. nang biglang binaril sa ulo ng hindi pa nakikilalang suspek na nakasakay sa motorsiklo sa hindi pa malamang dahilan.

Nakatakdang magtapos bilang cum laude sa Benguet State University ang biktima. ALLAN BERGONIA

About Thor

You must be logged in to post a comment Login

Leave a Reply